Bizkaiko Medikuen Elkargoarentzat ez dira nahikoak Euskadiko 180 arakatzaileak
Bizkaiko Medikuen Elkargoak (BME) “eskastzat" jo ditu Eusko Jaurlaritzak Euskadin koronabirus bidezko kutsatze berrien arrastoa jarraitzeko prestatu dituen 180 arakatzaileak. Egun, 12.220 biztanleko arakatzaile bakarra dago.
Eusko Jaurlaritzako Osasun Sailaren ustez, Euskadi COVID-19aren "bigarren olde" baten aurrean dago, eta, hori dela eta, "arakatzaileen zeregina funtsezkoa da". BMEk, gainera, gaixoen "jarraipen eraginkorra" egiteko, arakatzaile-kopuru "askoz handiagoa" beharko litzatekeela adierazi du.
Ameriketako Estatu Batuetako Zerbitzu eta Baliabide Sanitarioen Administrazioak (HRSA, ingelesezko siglen arabera) beharrezko arakatzaile-kopurua kalkulatzeko diseinatutako tresna aintzat hartuta, 4.000 biztanleko arakatzaile bat egon beharko litzateke. Horrenbestez, Euskadin 550 pertsona beharko lirateke, gaur egungo 180 pertsonen aldean.
Kutsatu berrien arrastoa jarraitzeko giza baliabide nahikorik ez dagoenez, "EAEko arakatze-taldea ahituta dago, gure sare publikoko osasun-zentroetako lehen mailako arretako langile guztiak bezala", adierazi du BMEk.
Medikuen Elkargoak lehen mailako arretako euskal zentroek bizi duten egoera ilunaz ere ohartarazi du: "ohiko prekarietateak (handiagoa uda garaian) eta urteko oporrak iraila amaitu baino lehen kontzentratzen saiatu izanak Lehen Arretako langile-taldea moteldu dute".
Iñigo Urkullu lehendakariak koronabirusaren hedapena eragozteko salbuespenezko neurriak hartzeko egindako jakinarazpenaren aurrean, BMEk babesa adierazi die koronabirusaren aurrerapena geldiarazteko hartzen diren "neurri guztiei", baina ohartarazi du "ezagutza zientifikoan oinarrituta, dagozkien txosten teknikoek abalatuta eta datu kontrastatuetan oinarrituta egon beharko dutela".
Bizkaiko Medikuen Elkargoak ere babesa eman dio Espainiako 20 osasun adituk egindako proposamenari, COVID-19aren kudeaketari buruzko ebaluazio independente bat proposatu baitute Espainian.
BME ados dago horrekin: "Hobeto egin zitekeen hori eta egin ez zen hori identifikatzea funtsezkoa da, eta akatsetatik ikastea, etorkizunean halakorik errepika ez dadin".
Zure interesekoa izan daiteke
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da, tenperatura altuek eragindako arazo teknikoengatik.
Sokamutura itzuli da Eibarrera, 8 urte geroago
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertuko sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko erreietako bati eragin dio suteak, eta, ondorioz, arazoak izan dira zirkulazioan. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.