Monterok prostituzio-etxeak ixteko eskatu die autonomia-erkidegoei
Irene Montero Espainiako Gobernuko Berdintasun ministroak gutuna bidali die autonomia-erkidegoei, prostituzio-etxeak eta harremanak izateko lokalak ixtea eskatzea helburu, tabernei, diskotekei eta aisialdi-lokalei ezarritako murriztapenekin bat eginda.
"Ez diezaiogun atsedenik eman sexu-esplotazioari, ez diezaiogun atsedenik eman beti inpunitatean eta erabateko opakotasunean dagoen industria proxeneta horri. Prostituzio-testuinguruan dauden emakumeen eskubideen gainean asko hitz egiten da, baina ez, aldiz, negozio-zifren gainean", ekarri du gogora.
RNEn egin dioten elkarrizketa batean zehaztu duenez (Europa Pressek jaso du), alarma-egoeran lanean ibili ziren, genero-indarkeriaren biktimak lagundu, babestu eta osoko arreta emateko zerbitzuak funtsezko bilakatzeko, eta ziurtatzeko ez zirela geldituko. Autonomia-erkidegoekin batera, sexu-esplotazioaren biktimak diren emakumeei ere zabaldu zieten berme hori, bai eta prostituzio-testuinguruan dauden emakumeei.
Esperientziak, gehitu du, balio beharko luke, orain, hasieratik zaurgarritasun-egoeran dauden emakumeen eskubideak bermatzeko. Gainera, prostituzio-testuinguruan berragertzerik edo kutsatzerik egotekotan, "kontaktuen jarraipena egitea zailagoa litzateke".
Gutunean, Montero autonomia-erkidegoetako Gobernuei zuzendu zaie, eta adierazi die "oso kezkatuta" dagoela, ikusita Espainiako hainbat prostituzio-etxetan eta harremanak izateko lokaletan izandako berragertzeak.
"Pandemiak hemen jarraitzen du, eta, Osasun Ministerioarekin adostutako neurrien artean, hain zuzen ere tabernen, jatetxeen, diskoteken eta gaueko aisialdiko beste lokal askoren irekitzea mugatzen duten neurrien artean, eta sexu-esplotazioaren aurkako gure etengabeko borrokari kalterik egin gabe, garrantzitsutzat jotzen dut prostituzioa egiten den lekuetan espezifikoki jardutea", dio testuak.
"Emakumeen osasuna eta eskubideak oinarrizkoak dira", adierazten du Monterok, eta, "osasun-egoeraren eraginez, lokal horietan egon litezkeen kutsadurek ekar lezakete jarraipen zaileko positiboen kopuruak oso gora egitea". Horregatik, bere iritziz "alarma-egoeran izandako koordinazio-esperientzia" ekarri du gogora; izan ere, "etxebizitzarekin eta zaintza sozio-sanitarioarekin lotutako baliabideak bideratzea" ahalbidetu zuen koordinazio horrek.
"Funtsezkoa litzateke koordinazio hori egotea; hala, emakumeei, lokalak itxita, eskaini ahalko genizkieke aukera duinak, euren egoeraren ardura har dezagun", azaldu du gutunean Unidas Podemoseko agintariak.
Kataluniak eta Gaztela-Mantxak itxi egin dituzte
Ildo horretan, Alba Verges Kataluniako Generalitateko Osasun kontseilariak iragarri du gaueko aisialdiaren gaineko ebazpena aldatuko dutela; hemendik aurrera, prostituzioak bezalako lokal erantsiak dituzten establezimenduei ere eragingo die ebazpen horrek.
"Inkoherentzia zen gaueko aisialdia itxi eta horrelako jarduerak egiten dituzten beste lokal batzuk zabalik uztea", argudiatu du Vergesek.
Gaztela-Mantxak ere erabaki du prostituzio-etxeak ixtea. Orain, ikusi beharko da zer dioten gainerako autonomia-erkidegoek.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.