Zazpi kasu berri atzeman dira Zuiako Sortzez Garbiaren egoitzan

Zuiako (Araba) Sortzez Garbiaren Egoitzak astearte honetan jakinarazi duenez, zazpi positibo berri atzeman ditu erabiltzaileen eta langileen artean; beraz, 28 dira Arabako egoitza horretan identifikatutako kasuak (25 erabiltzaileenak eta hiru langileenak).

Arabako Foru Aldundiak ohar baten bidez jakinarazi duenez, sei egoiliar eta langile bat dira kasu berriak, eta osasun-agintariek lehen probak egin eta astebetera, PCR baheketa batean atzeman dituzte.

Azaldu dutenez, gaur egun 25 erabiltzailek eman dute positibo testean, eta "guztiak egonkor daude, nahiz eta batzuek sintoma arinak erakutsi dituzten".

Era berean, egoitzak egunero 24 orduko mediku eta erizainen kontrol "zorrotza" eramaten ari dela azpimarratu du. "Zentroaren egiturari esker, positibo eman duten pertsonak erabat bereizita eta beste eremu batzuetatik bakartuta daude", adierazi dute