Mugitu! Mugimenduko zazpi lagun atxilotu dituzte AHTren aurkako protesta bategatik
Poliziak Mugitu! Mugimenduko zazpi kide atxilotu ditu gaur goizean Nafarroan, joan den abuztuaren 13an, Villafranca eta Azkoien artean, Abiadura Handiko Trenaren (AHT) aurkako protesta batean parte hartu zutela egotzita.
Kolektiboak ohar batean gogora ekarri du ekintza baketsua izan zela eta obrak bertan behera geratzen zirela irudikatu zuten, mozorrotuta eta makinetan pegatinak jarrita.
Atxilotuak aske geratu dira komisarian deklaratu ostean, baina Espainiako Gobernuak Nafarroan duen ordezkaritzak ohartarazi du operazioak irekita segitzen duela.
Bost lagun euren etxeetan atxilotu dituzte, eta beste biak polizia-etxera joan dira, atxiloketa ekiditeko, beren abokatuak lagunduta. Beste pertsona bat ere atzeman nahi izan dute, baina atzerrian dago eta atxiloketa ez da gauzatu.
Horrez gain, protesta jarraitzen ari ziren bi kazetari ikerketapean daudela jakinarazi dute. Atxilotuei funtzio publikoen usurpatzea, dokumentuak faltsutzea eta mehatxuak egitea leporatzen diete.
Mugitu! Mugimenduak salatu du polizia-operazioa neurrigabea izan dela: "30 polizia joan dira obraren amaiera irudikatu besterik egin ez zuten pertsona batzuk atxilotzera".
"Jakinarazpen bat bidaltzea nahikoa zen, eta epailearen aurrean deklaratuko zuten. Operazio honek iraganeko garaiak ekarri dizkigu gogora", azpimarratu dute.
Zure interesekoa izan daiteke
Kontuz GPSarekin: A-8 barne, 6 errepidek izena aldatu dute Bizkaian
Une batez, gidariek eta nabigatzaileek izen berriei ohitu beharko diete. Garai bateko Hegoaldeko Saihesbideak BI-10 izena hartuko du, eta Txorierriko korridorea BI-30 izango da orain aurrerantzean.
Osakidetzak asteon bukatuko du iraungitako dosia jaso zuten pertsonen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.