Publikoaren protestek bertan behera utzi dute emanaldi bat Errege Antzokian
Madrilgo Errege Antzokiak bertan behera utzi behar izan du igande honetan Giuseppe Verdiren Un ballo in maschera operaren emanaldia; izan ere, bertaratu zirenetako batzuek euren kexa adierazi zuten publikoan zeuden besaulkien artean segurtasun distantzia ez zelako errespetatzen.
Ikuskizuna 21:00etan hastekoa zen, baina ikusleen protesten ondorioz, ezin izan zen saioa eskaini. Protestak egin zituzten ia guztiak antzokiaren goialdean zeuden, eta, horien ustez, pandemiaren aurrean beharrezko osasun neurriak ez ziren bermatzen.
Hasiera batean emanaldiarekin aurrera egiten saiatu ziren. Bitan egin zuten saiakera, eta lehenengo zatia egin ahal izan zuten. Azkenean, ordea, bertan behera utzi beharra izan zuten.
"Indarrean dauden neurriak" betetzen direla esan du antzokiak
Errege Antzokiak edukieraren aurrean "indarrean dauden" neurri guztiak bermatzen direla esan du. Kexatu zirenak "oso gutxi" izan zirela, eta horiek, gainera, beste toki batzuetan eseri zituztela gaineratu du ohar baten bidez Antzokiak.
Erakundearen esanetan, "905 toki zeuden beteta, gelaren edukiera osoaren % 51,5", eta "ikuslegoaren zati txiki batek euren tokiekin zuten desadostasuna adierazi nahian, txaloak jo eta oihuak egin dituzte”.
"Megafoniatik behin baino gehiagotan ohartarazi genuen, eta beste toki batean eseri edo sarreren dirua itzuliko geniela esan genien behin baino gehiagotan”, esan du Antzokiak.
Publikoaren zati handi bat "mugitu egin genuen", eta "bi bider saiatu ziren orkestrako zuzendaria eta operan parte hartzen zuten artista eta teknikari guztiak emanaldiarekin aurrera egiten", adierazi dute Antzokiko iturriek. Baina "talde txiki batek protestekin aurrera jarraitzea erabaki zuen ikuskizunari boikot eginez, eta, azkenean, 21:00etan, bertan behera utzi behar izan genuen emanaldia", azaldu du.
Errege Antzokiko zuzendaritzak ikerketa abiatuko du gertatutakoa ikertzeko, eta ondorengo emanaldiak ahalik eta ondoen egin ahal izateko neurriak hartuko dituela jakinarazi du.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.