Jaurlaritzak adinekoen egoitzetan COVID-19ari aurre egiteko protokolo berria egin du
Eusko Jaurlaritzak zentro soziosanitarioetan COVID-19aren Zaintzarako eta Kontrolerako Protokoloa onartu du gaur, Gotzone Sagardui Osasun sailburu berriak iragarri duenez
Sagarduik prentsaurrekoa eskaini du gaur Bingen Zupiria Jaurlaritzako bozeramailearekin batera, gobernu bileraren ondotik. Dokumentua hiru foru aldundiekin eta Berdintasun, Justizia eta Gizarte Politiketako Sailarekin batera osatu du Osasun Sailak, eta ekainean onartutakoa bateratu eta eguneratzen du.
Sagarduik azaldu duenez, bi irizpide hartu dituzte kontuan protokolo berrian: batetik, adineko zentroek segurtasun-baldintza zorrotzak behar dituztela, eta, bestetik, egoitzetako erabiltzaileen "duintasuna, zaintza fisikoa eta emozionala bermatuko dituzten baldintzak" bete behar dituztela.
Hala, egoiliarrak "bisitak jaso eta kalera irten daitezke, betiere hurbil-hurbileko pertsonak lagunduta badaude". Nolanahi ere, aldundiak izango dira egutegia eta arauketa ezartzeko ardura izango duten erakundeak.
Sagarduiren esanetan, "ahalegina egingo dute bisitak eta kanpora egiten diren irteerak espazio irekietan egiteko eta higiene-neurriak zorrotz betetzeko".
Era berean, salbuespenezko egoeretan bisitak egiteko gomendioak jaso ditu, besteak beste, bizitzaren amaierako zaintzetarako gomendioak.
Gotzone Sagardui sailburuak azaldu duenez, protokola prestatu duten erakundeak bat datoz esaten osasuna dela lehentasuna, baina ezin dela hura ulertu "pertsonen duintasunarekiko errespeturik gabe, haien bizitza-etapa guztietan".
Malgutasun horrek izan dezakeen eraginaren inguruan galdetuta, sailburuak erantzun du ez dagoela "arrisku gabeko egoerarik" ez pertsona zaurgarri horientzat, ez beste inorentzat. "Prebentzio neurriak jarraitu behar ditugu, eta zuhurrak izaten jarraitu", erantsi du.
Zure interesekoa izan daiteke
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.