4,6ko lurrikara batek Nafarroa astindu du
Nafarroan, hainbat lurrikara izan dira azken orduetan. Handiena, 4,6koa, 00:02an gertatu da, kilometro bateko sakoneran, eta Eguesibarreko Lizoain herrian izan du epizentroa. Ondoren, 3,4ko eta 3,8ko erreplikak izan dira. Guztira, 30etik gora astindu zenbatu dituzte inguru horretan azken orduetan.
Lurrikarak Nafarroan ez ezik, Aragoin, Errioxan, Euskal Autonomia Erkidegoan edota Katalunian ere sentitu dituzte.
Esate baterako, Eguesibarren eta Iruñerrian ez ezik, Tuteran, Lizarran, Lesakan, Izaban, Donostian, Logroñon, Zaragozan, Huescan edo Bartzelonan ere nabaritu dituzte lurraren astinduak.
Espainiako Institutu Geografiko Nazionalak bere webgunean jakinarazi duenez, 4,6ko mugimendu sismiko horren ostean, 1,9ko eta 3,4ko beste bi izan dira 00:11n eta 00:23an, eta bi kasuetan Eguesibar izan da epizentroa.
Gerora, 01:37an, 3,8ko indarra izan duen lurrikara gertatu da, eta azken horrek ere Lizoain izan du epizentro.
4,6ko lurrikararen aurretik, 23:46an, 1,5eko indarra izan duen lurrikara izan da Eguesibarren eta beste bat, 20:44an, Zabaltzan.
Aparteko kalterik ez
Sare sozialetan hainbat herritarrek azaldu dutenez, etxeetako apaletatik objektuak lurrera erori dira. Dena den, ez da aparteko gorabeherarik izan, Nafarroako Gobernuak ostegun honetan jakinarazi duenez.
Astinduek, hori bai, egonezina eragin dute bizilagunen artean eta Nafarroako Larrialdi Zerbitzuetan hainbat eta hainbat telefono dei jaso dituzte, lurrikarak ote ziren galdetuz.
Bakarrik bizi den jende asko beldurtu da eta Larrialdi Zerbitzuetara deitu dute
Ustez Lurraren mugimenduekin lotuta, suhiltzaileek egin behar izan duten esku-hartze bakarra Arangurengoa izan da. Ur deposito bat erortzear zegoen, tutu bat askatu egin da eta, ondorioz, ur-ihesa gertatu da.
Koldo Albirak, lurrikara gehienen epizentro izan den Lizoainibar-Arriasgoiti bailarako alkateak, Euskadi Irratiko "Faktoria" saioan azaldu duenez, astindua izan da eta dena mugitu da. "Burrunba indartsua izan da eta herritarrak beldurrez daude", azpimarratu du.
Arturo Apraiz geologian espezializatuta dagoen EHUko doktoreak lasaitasun mezua zabaldu nahi izan du Euskadi Irratiko "Faktoria" albistegian: "Oso zaila da oraingoak baino maila handiagoko lurrikarak izatea Nafarroan".
Nola igaro dute gaua Iruñeko bizilagunek?
Albiste gehiago gizartea
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.