Azkoiengo, Faltzesko eta Funesko aparteko neurriak astebete luzatuko dituzte
Nafarroako Osasun Departamentuak, Azkoiengo, Faltzesko eta Funesko udalekin adostuta, koronabirusari aurre egiteko aparteko neurriei beste astebetez, urriaren 8an hasita, eustea erabaki du, joera epidemiologiko ona egonkortzeko asmoz.
"Duela gutxi oinarrizko osasun-eremu bera osatzen duten herri horietan atzemandako COVID-19aren eragin handiari aurre egitea" da helburua, baina, Faltzesen eta Funesen kasuan, kasuetan beherakada izan denez, mugikortasunaren mugak ezabatu egingo dituzte; ez, ordea, Azkoienen.
Foru Gobernuak jakitera eman duenez, zonaldearen bilakaera epidemiologikoa ona da, baina Azkoienen kasuen maila altua dute oraindik; beraz, herri horretan irailaren 23an onartutako eta astebete geroago berritutako murrizketek bere horretan jarraitzen dute.
Neurri horiek eremu publiko eta pribatuetako ordutegiei, edukierei eta pertsona-taldeei eragiten diete, mugak ezartzen dituzte herriko sarrera-irteeretan, eta ezinbesteko joan-etorrietarako bakarrik onartzen dira.
Faltzesen eta Funesen, berriz, egoerak hobera egin izanak mugikortasunari ezarritako mugak (irailaren 29an argitaratutako foru-aginduak ezarritakoak) kentzea ahalbidetu du, baina gainerako murrizketei eutsi egin zaie bi udalerrietan.
Irailaren 28an, 14 egunerako metatutako intzidentzia Azkoienen 100.000 biztanleko 4.870ekoa zen, eta balio hori pixkanaka murriztu da, nahiz eta aste honen hasieran 4.000tik gorakoa izan (100.000 biztanleko 4.056koa).
Faltzesen, 14 egunetan metatutako intzidentzia 100.000 biztanleko 1.598 kasu izatetik 1.123 izatera igaro da; Funesen ere, onera egin du, 100.000 biztanleko 1.393 kasutik 904ra murriztu baita.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.