Elikagaien Mundu Programak irabazi du Bakearen Nobel saria
Elikagaien Mundu Programak (WFP, ingelesez) irabazi du aurten Bakearen Nobel saria, Norvegiako Nobelaren Batzordeak gaur iragarri duenez. Nazio Batuen Erakundeko (NBE) agentzia munduan goseari aurre egiteko eta elikagaien segurtasuna sustatzeko dagoen erakunde humanitario handiena d. Iaz 88 herrialdeko 100 milioi laguni laguntza eskaini zien.
Programak "gosearen aurka borrokatzeko egindako ahalegina, gatazka eremuetan bakearen alde egindako ekarpena eta gosea gerra arma bilakatzea saihesteko egindako lana" goraipatu du Batzordeak.
Epaimahaiak gogoarazi duenez, Garapen Jasangarrirako Helburuetako bat da gosea desagerraraztea, eta 2019an 135 milioi pertsona zeuden munduan goseak jota, "azken urteotako kopururik handiena", eta gehienbat gatazka eremuetan. Hain justu, gosea eta gatazka lotuta daudela azpimarratu du Nobelaren batzordeak: "gosearen eta gatazken arteko lotura gurpil zoroa da".
"COVID-19aren pandemiak handitu egin du gosearen biktimen kopurua", erantsi du batzordeak, eta "Elikagaien Mundu Programak larrialdi egoeran ere lanean jarraitzeko erakutsitako ahalmen izugarria" goraipatu du. Horren ildoan, erakundearen leloarekin bat egin du: "Txertoa egon arte, elikagaiak dira kaosaren txerto onenak".
Epaimahaiak azpimarratu du zein garrantzitsua den programa horren modukoek dirua jasotzea. "Mundua gosearen krisiaren atarian dago Elikagaien Mundu Programak eta tankerako erakundeek behar duten babes ekonomikoa ez badute", ohartarazi du, eta Yemen, Kongo, Nigeria, hegoaldeko Sudan eta Burkina Faso bezalako herrialdeetan dagoen muturreko egoera aipatu du.
Elikagaien Mundu Programak saria eskertu du Twitterren eskegitako mezu batean. Nabarmendu duenez, "bakea eta goserik eza eskutik elkar emanda daudela gogorarazteko balio du sariak".
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.