Biztanleen % 70ek jarri beharko dute txertoa pandemia gainditzeko, MOEren arabera
Munduko Osasun Erakundeak (MOE) egindako kalkuluen arabera, munduko biztanleriaren % 70 immunizatu beharko litzateke pandemiaren amaiera bermatzeko, betiere garapen fasean dauden txertoak arrakastatsuak baldin badira.
Oraindik ikusteke dago zein eraginkorrak izango diren COVID-19aren aurkako txertoak, baina Soumya Swaminathan MOEko zientzialari buruak eta Kate O'Brien MOEko Immunizazio Departamentuko zuzendariak uste dute hori izango litzatekeela portzentaje egokiena, nahiz eta 2021erako helburua % 20ra iristea den.
"Ikertzen ari diren konpainia bakar batek ere ezin izango du berehala mundu guztiarentzako dosia eduki", ohartarazi du O'Brienek. Horregatik, laborategi guztiek ikerketarekin jarraitzea garrantzitsua dela esan du, nahiz eta horietako batek gainerakoei aurrea hartu.
Txertoari dagokionez aste honetan izandako aurrerapenak aztertzeko, internautekin bilera egin dute aipaturiko bi adituek. Horien esanetan, koronabirusaren aurkako borrokan garatutako teknologia berriek "etorkizuneko pandemietatik hobeto babesten lagun dezakete".
Pfizer-BioNTech proiektu germaniar-estatubatuarraren ikerketa klinikoetan % 90eko eraginkortasuna lortu dutela dioten albisteen aurrean, zuhurtzia eskatu du Swaminathanek. Adituaren esanetan, atariko emaitzak dira eta "datu gehiago behar dira" ekoizteko lizentzia jaso dezakeela bermatu arte.
Balizko txertoak jende askorentzat eskuragarri egotekotan ere, MOEko zientzialariek behin eta berriro nabarmendu dute immunizatuko diren lehenak osasun langileak eta arrisku taldeetako pertsonak izango direla, hala nola adinekoak edo patologia jakin batzuk dituzten gaixoak.
O'Brienen iritziz, eskaintza baino eskaera handiagoa izango den lehen hilabeteetan ez dira txertoak gorde behar. Ildo horretan, erreserba handiak sortzeko asmoaren aurka agertu da: "Zuzenena eta inteligenteena gehien behar dutenei ematea da".
Zero azpitik 80 gradu inguruko tenperaturan kontserbatu behar diren txertoek izan ditzaketen banaketa arazoei buruz galdetuta, adituek esan dute erronka bat dela hori, baina badela "izotz lehorra" deritzon teknologia lagungarria.
Gaur-gaurkoz, mundu osoko 200 laborategi baino gehiago ari dira COVID-19aren aurkako txertoaren bila, eta horietatik 10 azken fasean daude.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.