Tabernetan erositako edaria kalean ez kontsumitzeko deia egin du Jaurlaritzak
Araba, Bizkaia eta Gipuzkoako ostalariek kafea eta alkoholik gabeko edariak saltzeko aukera izango dute aurrerantzean, bezeroak etxera eramateko jatekorik eskatu ez arren. Alabaina, edari eta elikagai horiek kalean ez kontsumitzeko deia egin du Eusko Jaurlaritzak, COVID-19arekin kutsatzeko arriskua areagotzen dela ohartarazita.
Okindegiek eta gozotegiek edariak saltzeko baimena zuten, baina ostalariei edaria saltzeko bi baldintza jarri zizkieten: janariarekin batera saltzea eta bezeroak aurretiazko hitzordua eskatzea. Horrek tabernarien haserrea eragin zuen eta Eusko Jaurlaritzak atzera egin du orain.
Bingen Zupiriak aitortu du araudi hori bidegabea zela ostalarientzat, okinekin eta gozogileekin alderatuz gero. Horrela, bada, azaroaren 6an onartutako dekretua egokitu egin dute, "kafea eta alkoholik gabeko edariak saltzea baimenduz, aldi berean janaria eskatu ez arren".
Horrez gain, establezimenduetan eskuratutako kafea edo alkoholik gabeko edariak kalean ez kontsumitzea gomendatu du Eusko Jaurlaritzak, jendea pilatuz gero, koronabirusarekin kutsatzeko arriskua areagotzen dela ohartarazita. Edari alkoholdunak eremu publikoetan kontsumitzea, berriz, galarazita dagoela gogoratu du.
Neurri murriztaileak abendura arte egongo dira indarrean
Bestalde, Zupiriak aurreratu du Eusko Jaurlaritzak ez duela asmorik neurri murriztaileak indargabetzeko eta litekeena dela gutxienez abendura arte mantentzea.
Pandemia gelditzeko azken neurriak "oso gogorrak" direla, "oinarrizko eskubideak" murriztu dituztela eta ekonomian eragina dutela esan du.
Iñigo Urkullu lehendakariak ostegun honetarako deitu du Babes Zibilaren Planaren batzarra eta, bertan, aipatu neurrien eraginkortasuna eta osasun egoera aztertuko dituzte.
"Neurri horiek aztertuko dituzte, baina printzipioz hilabeterako jarri ziren indarrean", berretsi du Zupiriak.
Zure interesekoa izan daiteke
"Zailena hau dena egi bihurtzeko testuingurua sortzea izan da"
Albaola Itsas Kultur Faktoriako arduradun Xabier Agotek adierazi duenez, Albaola "dimentsio horietako proiektu bati ekiteko beharrezko testuingurua da". "Ezagutza berreskuratzea, azpiegitura sortzea eta zerotik hastea izan da zailena", gaineatu du.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Garraio publikoa erabiltzea gomendatu du Donostiako Udalak.
Albiste izango dira: San Juan baleontziaren uretaratzea, Euskadiko anguleroen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.
Osakidetzak Casillako txertaketa-zentroa itxiko du gaur, Bizkaian gripeak gora egiteari utzi baitio
Kutsatzeen kurba egonkortu da txertaketa-ahaleginari eta immunizazio-maila altuari esker. 447.000 pertsona baino gehiagok hartu dute txertoa azken asteetan EAEn, eta horri esker Bilboko txertodromoa itxi ahal izango da, aurreikusita zegoen bezala.
Bilketa Nagusian ezinbestekoak diren 5 elikagaiak, eta eman zenitzakeenik ez zenekien beste batzuk
Elikagaien Bilketa Nagusia azaroaren 7an eta 8an izango da “Kilo bat enpatia” lelopean. Ekimen horretan, donazio guztiek garrantzi handia dute, eta elikagai jakin batzuk urriak dira.
San Juan baleontzia uretaratuko dute ostiral honetan Pasaian, kroskoa eraikitzeko lanak amaituta
Duela hamarkada bat baino gehiago hasitako proiektua, XVI. mendean Kanadan hondoratutako euskal baleontziaren erreplika fidela da. Jarraitu zuzenean, 15.30etik aurrera, uretaratzea orain.eus-en.
San Juan baleontzia: Atlantikoko uretan berpiztu zen euskal altxorra
XVI. mendean Pasaian eraikitzen ziren ontzi ugarietako bat da San Juan itsasontzia. 1565eko udaberrian, Kanadako kostaldearen aurrean hondoratu zen, eta itsaspean egon zen 400 urtez baino gehiagoz. 1978an ontzia aurkitu zuten, eta, harrezkero, euskal merkataritzari eta itsas ondareari buruzko historiaren adierazgarria da. 12 urteko lanen ostean, Pasaiako Albaola ontziolak baleontzi mitikoaren erreplika uretaratuko du gaur arratsaldean.
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.