Arreta telefonoak indarkeria matxistaren 2269 biktima artatu ditu 2020an
2020an, gaur arte, 2269 dei jaso ditu indarkeria matxistaren biktimak artatzeko telefonoak (900 840 111), beste horrenbeste emakume biktimei dagozkienak; 1247k, gutxienez, seme edo alaba bat dute kargura, eta 1022 ez dira ama. Deien % 55,31 Bizkaitik egin ziren (1255), % 26,70 Gipuzkoatik (606), % 15,64 Arabatik (355) eta % 2,88 autonomia-erkidegotik kanpokoak izan ziren (53).
Dei horien % 74,10 emakumeek beraiek egin zituzten (1681); % 19,56 beren inguruneko pertsonek egin zituzten (444), eta % 6,34, profesionalek (41).
Konfinamendu-aldia dela eta -martxoaren 15etik ekainaren 21era bitartean-, guztira 798 dei jaso ziren; haietatik, % 74,88 biktimek beraiek egin zituzten (596). % 18,59 beren inguruneko pertsonek egin zituzten (148), eta % 6,53, profesionalek (52).
Deien % 53,76 Bizkaitik egin ziren (429), % 29,45 Gipuzkoatik (2335), % 13,91 Arabatik (11) eta % 2,88 autonomia-erkidegotik kanpokoak izan ziren (23).
SATEVI Eusko Jaurlaritzak gogorarazten du telefono-zerbitzu hau berehalakoa, anonimoa, konfidentziala eta doakoa dela, eta ez duela telefonoaren fakturan arrastorik uzten.
900 840 111 telefonoan profesionalek ematen dute arreta, psikologoek, hezitzaileek eta gizarte-langileek, nagusiki, eta horiek etengabe ari dira prestakuntza jasotzen: emakumeen aurkako indarkeriaren eta berdintasunaren arloan ez ezik, arreta integralerako ezinbesteko diziplina guztietan ere: zuzenbidea, atzerritartasuna edo psikologia, besteak beste.
Iñigo Urkullu lehendakariak, Beatriz Artolazabal Berdintasuneko sailburuarekin batera, indarkeria matxista “gizarte osoaren arazo” gisa deskribatu du. “Mezu bat bidaltzen diegu indarkeria jasaten duten emakume guztiei, eskaintzen ditugun baliabide eta zerbitzuetan konfiantza izateko. Gobernu honek entzun egin nahi ditu”.
Bisitaldian, Beatriz Artolazabal Berdintasuneko sailburuarekin, Pedro Azpiazu Ekonomia eta Ogasuneko sailburuarekin, Izaskun Landaida Emakunde - Emakumearen Euskal Erakundeko zuzendariarekin eta Lide Amilibia Gizarte Politiketako sailburuordearekin batera, besteak beste, aurrez aurre ezagutu ditu 2020ko 900 840 111 telefonoaren zenbait datu.
Lehendakariak gizarte osoari bidali nahi izan dio bere mezua, “erne egon dadin indarkeria jasaten egon daitezkeen emakumeekin”. “Gobernu honentzat, lehentasuna du emakumeen aurkako indarkeriarik gabeko gizartea eraikitzeak. Gure konpromisoa da zerbitzu eta baliabideak sustatzea, gure indar guztiekin posible egiteko”, esan du, SATEVIren (indarkeria matxistaren biktima diren emakumeei arreta emateko telefonoa, 900 840 111) egoitzara egin duen bisitan.
Hori horrela, Urkullu lehendakariak berdintasunerako legea aldatzeko oraintsuko onespena dela eta, honako hau esan du: “Aukera emango digu berdintasunaren aldeko eta emakumeen aurkako indarkeriarik gabeko herrialdeko ituna sustatzeko”.
“Gaur, indarkeria matxistaren biktima diren emakumeei prebentzioa eta arreta emateko baliabideak areagotzeko konpromisoa berresten dugu”, esan du, eta Beatriz Artolazabal Berdintasuneko sailburuak pasa den hilabetean Eusko Legebiltzarrean eginiko iragarpena aipatu du.
Modu berean, Iñigo Urkulluk “gure aurrekontuak prestatzeko genero-ikuspegi integrala” ere iragarri du.
SATEVIk berrikuntza bat martxan jarri du, entzuteko desgaitasuna edo hitz egiteko zailtasunak dituzten emakumeei irisgarritasun handiagoa eskaintzeko. Berrikuntza hori posible izan da Euskadi Euskal Gorrak federazioaren elkarlanari esker.
Online mekanismoa da; entzuteko edota hitz egiteko desgaitasuna duten pertsonei aukera ematen die zerbitzua jasotzeko, zeinu-hizkuntzako interpreteek artatutako bideointerpretazioko kanal baten bidez. Interprete horiek harremanetan daude emakumeei arreta emateko telefonoan lan egiten duten profesionalekin, eta itzultzaile-lanetan jardun ohi dute; une oro gordetzen da deitzen duten pertsonen konfidentzialtasuna eta anonimatua.
Mekanismo hori, telefono propioa bezala, egunean 24 orduz eta urtean 365 egunez dago erabilgarri. Gainera, SATEVIk 51 hizkuntza hitz egiten duten emakumeei ematen die arreta.
Zure interesekoa izan daiteke
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.