AstraZenecak "ikerketa gehigarria" egingo du bere txertoaren efikazia balioztatzeko
AstraZeneca konpainia farmazeutikoak COVID-19aren aurkako txertoaren eraginkortasunaren emaitzak baliozkotzeko "azterlan gehigarri bat" egitea erabaki du, lehen saiakuntzan dosian aurreikusi gabeko aldaketak egon zirela jakinarazi ondoren.
Pascal Soriot txertoa garatzen Oxfordeko Unibertsitatearekin elkarlanean aritu den konpainia horren arduradunaren ustez, test berri horiek ez dute Erresuma Batuko eta Europar Batasuneko osasun agintari arautzaileen onarpena atzeratuko.
AstraZenecak eta Oxfordek 3. faseko azterketa klinikoaren atariko emaitzak argitaratu dituzte aste honetan.
Ikerketa aurrera eramateko parte-hartzaileak bi taldetan banatu zituzten. Lehen taldeak txertoaren bi dosi oso jaso zituen, % 62ko eraginkortasunarekin. Bigarren taldeak dosi erdia jaso zuen, eta handik hilabetera dosi oso bat; metodo horrek % 90eko eraginkortasuna erakutsi zuen.
Oxfordek onartu duenez, hasiera batean ez zegoen aurreikusita dosi erdi bat inokulatzea pazienteei, txertoa ekoizteko prozesuan izandako akats baten ondorioa izan zen. Aurretik pentsatu zutena baino kontzentrazio txikiagoarekin inokulatzen hasi zirela konturatu zirenean, entsegua egiteko protokoloa aldatzea erabaki zuten, osasun agintari arautzailearen arabera.
"Orain, eraginkortasun hobea dirudiena antzeman dugula, balioztatu behar dugu, beraz, azterketa gehigarri bat egin behar dugu", adierazi du Soriotek.
Azaldu duenaren arabera, farmazia konpainiak nazioarteko beste ikerketa bat egingo du, aurrekoak baino "azkarragoa" izan daitekeena, ikertzaileek badakitelako txertoaren eraginkortasuna "handia" dela eta "paziente kopuru txikiagoa" behar dutelako.
AEBn txertoa garatzeko finantzaketa-programaren arduradun Moncef Slaouik txerto horren dosi eraginkorrena jaso zuten 2.300 pertsonako azpitaldea 55 urtetik beherakoek osatu zutela esan zuen asteartean, eta horiek koronabirusaren sintoma larriak garatzeko arrisku txikiagoa dutela. AstraZenecako exekutiboak eta konpainiaren ikerketaren eta garapenaren zati handi baten arduradun Menelas Pangalosek informazio hori baieztatu dio The New York Times egunkariari, eta horrek zalantza gehiago sortu ditu txertoaren eraginkortasunaren inguruan; izan ere, konpainiak ez zuen datu hori kontuan hartu asteleheneko komunikatuan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.