15 taldetan eta 3 epetan banatuta egingo du txertaketa kanpaina Osasun Ministerioak
Espainiako Osasun Ministerioak koronabirusaren aurkako txertaketa kanpainaren nondik norakoak azaldu ditu gaur goizean. Horren arabera, biztanleria 15 taldetan banatuko dute eta hiru epetan, urtarriletik ekainera, jarriko dute txertoa. Hauek dira herritarrak sailkatzeko kontuan hartu dituzten irizpideak: hilkortasuna, birusarekiko esposizioa, eragin sozioekonomikoa eta transmisiorako aukera.
Lehen taldean ageri dira -oraingoz zehaztuta dagoen bakarra eta 2,5 milioi pertsona ingururi eragiten diena- adinekoen eta ezinduen egoitzetako egoiliarrak, osasun langileak eta langile soziosanitarioak, gainerako osasun langileak eta instituzionalizatu gabeko mendeko pertsonak, Salvador Illa Osasun ministroak prentsaurrekoan azaldu duenez.
Hauek dira talde teknikoaren irizpideak jarraituz osatu dituzten gainerako taldeak: arrisku txiki, ertain edo handiko pertsonak; komunitate edo ingurune itxietan bizi edo lan egiten duten pertsonak, egoera ekonomikoagatik zaurgarriak diren pertsonak, funtsezko jardueretan diharduten pertsonak, irakasleak eta haurrak, nerabeak, gazteak eta 16 urtetik gorako guztiak.
Gainera, biztanleria heldua ere hartu dute kontuan, berriro erortzeko arriskua duten eremuetan edo balizko agerraldiak egon daitezkeen tokietan daudenak, haurdun daudenak eta bularra ematen duten amak, jada immunizazioa dutenak eta seropositiboak diren pertsonak.
Illaren esanetan, 15 talde horietan Espainiako populazio osoa sartu dute. Gaineratu duenez, bigarren eta hirugarren etapan zehaztuko dute lehentasunezko taldeak zeintzuk diren, behin teknikariek txertoen erabilgarritasunari buruzko datuak dituztenean.
Botiken Europako Agentziaren baimena jasotzen duten txertoak "seguruak" izango direla berretsi du Illak, eta behar adinako bermerik ez dutenek ez dutela baimenik izango gaineratu du.
Europar Batasunak dagoeneko sinatu dituen kontratuen arabera, Espainiak 140 milioi dosi eskuratuko ditu 80 milioiko biztanleria immunizatzeko. "Biztanle guztiei emateko eta beste herrialde batzuei elkartasuna adierazteko adina txerto egongo dira", azpimarratu du.
Osasun ministroa baikor mintzatu da eta espainiarrek txertoaren aurrean emango duten erantzuna "oso positiboa" izango dela aurreikusi du. Are gehiago, txertatzea jendetsua izatea espero du.
Dena dela, txertoa jartzea borondatezkoa izango da.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.