Carlos Martin Beristaini Rene Cassin saria eman dio Urkulluk
Iñigo Urkullu lehendakariaren ustez, "giza eskubideen urraketa gorien" iragan hurbilaren ondorioz, euskal gizartea indartsuagoa da "edozein indarkeria mota gaitzesteko orduan".
Urkulluk Rene Cassin 2020 saria eman dio, Giza Eskubideen Nazioarteko Egunean, Carlos Martin Beristain sendagile eta psikologo bilbotarrari Euskadin, Saharan eta Latinoamerikan giza eskubide guztien alde egindako lanagatik.
Gasteizen egin dute sari-banaketa ostegun honetan. Bertan, lehendakariak gogora ekarri du "urte askotan giza eskubideen, duintasunaren eta pertsona askoren bizitzen urraketa goria" bizi izan duela Euskadik. "Esperientzia horrek indartsuago egin gaitu", adierazi du.
"Indartsu gaitzesten ditugu indarkeria adierazpen guztiak, indartsu aldarrikatzen dugu pertsonen duintasuna eta indartsuak gara giza eskubideen defentsan eta sustapenean, bereziki, egoera zaurgarrienetan daudenen aldeko borrokan", esan du.
Urkulluren hitzetan, "pertsona, bere duintasuna eta giza eskubideak elkarbizitzaren eta mundu zuzenago, gizatiarrago eta jasangarriago baten oinarriak" izan behar dira.
Ildo horretan, giza eskubideen alde Beristainek egindako lana aitortu du, eta eskerrak eman dizkio "aitzindari izan delako Euskadin guztioi eragiten diguten gaietan arreta jartzen".
Beristainek, bere aldetik, argi utzi du giza eskubideen aldeko borrokaren oinarria zein den: "Bizikidetzarako errespetua behar da, eta errespetu hori zapaltzen duten botereek lotsa sentitu behar dute".
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".