Positibo berriek nabarmen egin dute behera EAEn, 464ra, eta apur bat Nafarroan, 93ra
Aurreko egunean baino positibo gutxiago atzeman dira Hego Euskal Herrian, batez ere Euskal Autonomia Erkidegoan emandako jaitsieraren ondorioz.
EAEn 464 positibo berri erregistratu dira, aurreko egunean baino nabarmen gutxiago (172).
Larunbatean 7.695 proba egin ziren guztira, PCR probak eta test antigenoak batuta, eta positibo tasa % 6 da.
Lurraldeka, Bizkaia da positibo gehien atzeman diren lurraldea, 216rekin. Gipuzkoan 149 izan dira, eta Araban, 96.
Ospitaleen egoerari dagokionez, covid-19aren ondorioz 32 pertsona ospitaleratu dira azken orduetan, eta 116 gaixo ZIUn daude.
Udalerrietako kasuei eta R0 indizeari buruzko datuak astelehenean emango ditu Osasun sailak.
Nafarroan, jaitsiera txikia eman da atzemandako covid-19 kasu berrien kopuruan. 93 positibo zenbatu dituzte larunbatean, Nafarroako Gobernuaren behin betiko datuen arabera.
Positibo tasa % 5,2 da, 1.778 proba egin ondoren (1239 PCR eta 539 antigeno-test).
Horrela, bigarren egunez jarraian Foru Erkidegoan atzemandako kasu berrien kopurua 100dik behera dago (atzo 98 izan ziren). Ostiralean, ordea, 106 izan ziren, aurreko egunean baino 20 gehiago.
Gainera, 53 eta 69 urteko bi gizon hil ziren atzo, eta aurreko egunetan 93 urteko emakume bat hil zela jakinarazi zuten. 922 pertsona hil dira guztira Nafarroan, pandemia hasi zenetik, eta kutsatutakoen kopurua 40.786koa da.
Eremuka, Iruñean eta bere eskualdean atzeman ziren atzo kasu positibo berrien % 59, Tutera alderan % 18, Lizarraldean % 2, eta gainerako % 21a Nafarroa osoan banatuta egon zen.
Adin-tarteen arabera, atzo erregistratutako kasuen artean, talde nagusia 30-44 urte bitartekoa da (kasuen % 23), eta, ondoren, 45-59 urte bitartekoak ( % 22), 15-29 urte bitartekoak ( % 19), 15 urtetik beherakoak ( % 16), 60-75 urte bitartekoak ( % 11) eta 75 urtetik gorakoak ( % 9).
Osasunbidea-Nafarroako Osasun Zerbitzuak adierazi du 160 pertsona daudela ospitaleratuta, horietatik 21 ZIUn.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.