Bengoak uste du datozen egunetan neurriak indartu beharko lituzketela Euskadin
Rafael Bengoa Eusko Jaurlaritzako Osasun sailburu ohiak Radio Euskadiko "Boulevard" saioan adierazi du ez datorrela bat Euskadin neurriak "arintzeko" gobernuak hartutako erabakiarekin. "Neurriak indartu behar dituzte", esan du: "Datozen egunetan are zorrotzagoak izan beharko lirateke".
Horretarako, beharrezkotzat jo du tabernen barrualdea ixtea: "Terrazak soilik egon beharko lirateke irekita, eta horietan debekatuta egon beharko litzateke erretzea". Edozein modutan, sailburu ohiak nabarmendu du urtarrilean kasuek gora egingo dutela berriro: "Inozokeria da kontrakoa pentsatzea".
Bengoaren esanetan, "neurrigabeko" Gabon festak ospatuz gero, hirugarren olatua ere iritsiko da Euskadira. "Osasun langileei ezin zaie eskatu edozeri aurre egin behar izatea eta ikusten dituzten heriotza guztiak jasan behar izatea.
Ildo horretan, berretsi du Gabonak ospatzeko "obsesioa" alde batera utzi beharko genukeela, eta familiako jai handiak datorren urterako gorde beharko genituzkeela. Bengoaren ustez, Alemania izan beharko genuke eredu, "udan bizi izan genuen ameskeriara itzuli beharrean".
Errege Egunean Europa osoan txertaketa hasiko delakoan dago Bengoa, eta 2021eko urrirako % 70eko immunitatea egon litekeela aurreikusi du. Hortaz, orduantxe bukatuko litzateke txertaketa kanpaina, Bengoaren iritziz.
"Errege Eguna igarota, Europan txertaketa hasiko dela jakinda, zergatik ez dugu osasunaren aldeko oreka gutxienez beste hilabetez luzatzen?", galdetu du, gehiegi arriskatzen ari garela iritzita: "Osasuna badago, ekonomia berreskuratzen saia gaitezke, baina ez alderantziz. Ezinezkoa da segurtasuna eta harremana bateragarri egitea".
"Jan ditzagun mahatsak abuztuan. Urtarrilean, listu bidezko testekin astean hiruzpalau alditan egin ahal izango ditugu probak", aurreratu du Bengoak. Hala, datorren urtera begira, itxaropentsu agertu da, "pandemia kontrolatzeko aukerak egongo direlako".
Zure interesekoa izan daiteke
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.