Fernandez: "Beheranzko joera dago, baina azken astean kontraesanak ikusi ditugu"
LABI Euskadiko Babes Zibileko Planaren aholku batzordearen bileraren atarian, Jonan Fernandez batzorde teknikoko koordinatzaileak azaldu du azaro hasieran Euskadiko datuak hobetzea lortu zela, eta ordutik "beheranzko joera" izan dugula covid-19 kasuen bilakaeran. Hala ere, aitortu du azken zazpi egunetan "datu kontraesankorrak" egon direla, hots, egun batzuetan joera horretan gelditze bat atzeman dutela, eta atzo, berriz, "aldaketa on bat" ikusi zutela.
Fernandez ETB1eko "Egun On Euskadi" saioan izan da goizean, LABIko teknikariek batzarra egin baino lehen. Argitu du datuak oinarri hartuta proposamen bat egingo duela batzorde teknikoak: "15 pertsonak osatzen dugu batzordea, ikuspegi zientifiko ezberdinetakoak. Batzorde teknikoak bere iritzia emango du, eta gero LABIren Kontseiluak hartuko du erabakia". Zehaztu du normalean teknikariek proposatutakoa onartzen duela Kontseiluak, "proposamen sendoak" direlako.
Duela astebete hartutako neurrien harira, eta ostalaritzaren irekiera hizpide hartuta, Fernandezek esan du sektore horretan "tranpak" atzeman dituztela, "kasu isolatu" batzuetan. Dena dela, aitortu du sei-zazpi eguneko tartea "oso gutxi" dela balorazio bat egiteko. "Goiz da horretarako", erantsi du.
Zazpi eguneko epean neurriak alda daitezkeela-eta horrek herritarrengan sor dezakeen nahasmenaz galdetuta, LABIren batzorde teknikoko koordinatzaileak esan du ez dela erraza pandemia kudeatzea, "ez dakigulako zer gertatuko den hurrengo egunetan". Gizarteari ulermena eskatu dio, eta neurriak "malgutasunez" hartzeko. Eurei, berriz, aldaketak "komunikazio argi eta ulergarri batekin" jakinaraztea dagokie.
Hala, aurreratu du ziurra dela LABIk astean behin egin beharko dituela bilerak, eta Gabonei begira hartutako neurriak moldatu. Horren harira, Eguberrietako otorduetarako bil daitezkeen pertsona kopuruan egondako iritzi aldaketaren nondik norakoak azaldu ditu Fernandezek: "Duela hilabete bat neurri batzuk proposatu genituen (bilkurak gehienez sei pertsonakoak izatea), baina Espainiako Gobernuak esan zigun beharrezkoa zela kontsentsu batera heltzea, oso inportantea zela denok batera joatea, ez 17 Eguberri ezberdin egotea. Orduan onartu genuen irizpide hori, garrantzitsua zela denok batera joatearena. Aste honetan, irizpide hori aldatu da: une honetan, erkidego batzuetan goranzko joera izan dute, gure joera ezberdina da une honetan eta hori dena kontuan hartuko dugu".
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.