Osasun Sailak 4.183 milioi euro izango ditu 2021ean, aurten baino % 6 gehiago
Eusko Jaurlaritzako Osasun Sailak 4.183 milioi euro izango ditu 2021ean, aurten baino % 6 gehiago, Exekutiboak prestatu duen aurrekontu-proiektuaren arabera.
Gotzone Sagardui Osasun sailburuak aurkeztu ditu kontuak, Eusko Legebiltzarreko Ogasun eta Aurrekontu Batzordean.
Sagarduik zuzentzen duen departamentua da, beste urte batez, diru-sail handiena duena, Eusko Jaurlaritzaren aurrekontu osoaren herena, hain justu. Hartara, pertsona bakoitzeko osasun-gastu publikoa berriz ere igo da, 1.902 euro arte.
Pandemiaren aurkako borroka lehentasuna izanik, berariaz 185 milioi euro aurreikusi dituzte. Dirutza hori langile eta material sanitarioak indartzeko, inbertsioetarako eta covid-19aren txertaketak eragindako gastuetarako erabiliko da.
Halaber, sailburuak bereziki azpimarratu du lehen mailako arretaren arloa, legegintzaldi honetako esparru estrategikoan leku berezia hartu baitu. Hala, inbertsioa eta langile-kopurua handitu egingo dute datorren ekitaldian: 196 profesional gehiago izango ditu, eta 21 milioi euro bideratuko dituzte inbertsioetara, osasun zentroak eraberritzen eta hobetzen jarraitzeko, besteak beste.
Arreta soziosanitariora 30,7 milioi euro bideratuko dituzte 2021ean, eta Osasun Publikoak 24 milioi euroko aurrekontua izango du; aurreko ekitaldiaren aldean, % 6 igoko da.
Osasun Sailaren diru-sail handiena, beste ekitaldi batez, Osakidetzara bideratuko da: 3.216 milioi euro jasoko ditu, 2020an baino % 7,2 gehiago. Aurrekontu horretatik, 10 eurotik zazpi langile-gastuetara bideratuko dira, eta aurten % 7,4 igo da iazko aurrekontuarekin alderatuta. Gainera, 70 milioi euro inguru azpiegiturak modernizatu eta eguneratzeko inbertsioetara zuzenduko dira.
Berdintasun Sailak 29 milioi bideratuko ditu pandemiaren ondorioei aurre egiteko
Jaurlaritzako Berdintasun, Justizia eta Gizarte Politiketako Sailak 29 milioi eurotik gora bideratuko ditu pandemiak eragindako ondorio sozialei aurre egiteko. Hain zuzen ere, Gizarte Larrialdietarako Laguntzak indartuko dituzte, eta horri eske 'Inor Atzean Utzi Gabe' funtsa luzatuko dute.
Beatriz Artozabal Berdintasun, Justizia eta Gizarte Politiketako sailburuak datorren urteko aurrekontua aurkeztu du asteazken honetan. Guztira, 461,4 milioi euro izango ditu.
Horrenbestez, aurten baino 20 milioi euro gehiago (%13,5) izango du sail horrek 2021ean, koronabirusaren pandemiaren ondorioei aurre egin ahal izateko.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.