Osakidetzaren "egiturazko arazoak" salatzeko manifestazioak egin dituzte EAEn
Osakidetzako SATSE, ELA, LAB, CCOO, UGT eta ESK sindikatuek manifestazioak egin dituzte asteazken honetan Gasteizen, Bilbon eta Donostian, azkenaldian egiten dabiltzan mobilizazioen baitan. Protesta horiekin Eusko Jaurlaritzari eskatu diote langileen aldarrikapenei entzungor ez egiteko eta euskal osasun sistemak dituen "egiturazko arazo larriak" aztertzeko.
Gainera, gogora ekarri dute abenduaren 14an Gotzone Sagardui Osasun sailburuari "premiazko bilera" eskatu ziotela, eta oraindik ez dutela erantzunik jaso.
Halaber, adierazi dute covid-19aren pandemiak agerian utzi dituela Osakidetza barruan dauden egiturazko arazoak, eta Osasun Sailak ez diela horiei irtenbiderik eman nahi izan.
Sindikatuen arabera, bost hilabete igaro dira Mahai Sektoriala azkenengoz bildu zenetik, eta azaroaren 26ko eta abenduaren 10eko hitzorduetan argi ikusi zuten Osakidetzako zuzendaritzak ez duela konponbiderik emateko asmorik.
"Lehenengo olatua hasi zenetik zortzi hilabete igaro dira. Osakidetzak garbi utzi digu langileak esplotatzea dela pandemiari aurre egiteko duen plan bakarra", kritikatu dute.
"Osakidetzari eta Osasun Sailari eskatu nahi diegu hitzetatik ekintzetara pasatzeko. Berehalako neurriak hartzen ez badituzte, mobilizazioak indartuko ditugu", berretsi dute.
Oraingoz, abenduko asteazken guztietarako eta urtarrileko ostegun guztietarako iragarri dituzte protestak. Gainera, urtarrilaren 28rako greba eguna deitu dute.
Gaurkoari dagokionez, 08:00etan hasita, manifestazioa egin dute Bilbon, Basurtuko ospitaletik Bizkaiko Osasun Lurralde Ordezkaritzaraino.
Donostiako manifestazioa, berriz, 11:00etan hasi da Gipuzkoako Lurralde Ordezkaritzan, eta Boulevardean bukatu da. Ordubete geroago, osasun zentrotik Jaurlaritzaren egoitzarainoko bidea egin dute manifestariek Gasteizen.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.