Chivite: "Amaieraren hasiera da, baina hasiera besterik ez da"
Igande honetan covid-19ren aurkako txertaketa-kanpaina hasi da Nafarroan, eta 143 dosi prestatu dituzte guztira El Vergel egoitzako egoiliarrentzat. Iruñean dagoen zahar-etxe hori, Nafarroako Gobernuaren zentro soziosanitarioa da.
Maria Chivite Nafarroako presidentearen hitzetan, gaurkoa "itxaropen eta ilusio" handiko eguna da, baina ohartarazi du ezin direla prebentzio neurriak alde batera utzi. "Amaieraren hasiera da, baina hasiera besterik ez da, oraindik hilabete batzuk geratzen zaizkigu koronabirusarekin elkarbizitzen", onartu du presidente nafarrak.
Maria Chivitek, era berean, eskerrak eman dizkie osasun sistemako eta erresidentzietako langileei; "covid-19aren aurka lehen lerroan egon dira, erresidentzietako egoiliarren ondoan, eta horiexek dira pandemia gogorren pairatu dutenak". Chivitek, Carmen Maeztu Eskubide Sozialetako kontseilaria eta Santos Indurain Osasun kontseilaria izan ditu ondoan.
Hain zuzen ere, Francisco Guerrero Cana iruindarra izan da covid-19aren aurkako txertoa jaso duen lehen pertsona Nafarroan. 70 urte ditu, eta 2012. urtetik El Vergel Iruñeako egoitzako egoiliarra da.
Lehen dosia jaso ondoren "pozik" agertu da, eta txerto horrek "poztasun handia" sortu duela adierazi du. Halaber, eskerrak eman dizkie egoitzako langileei, "etengabe lan egin dutelako".
Dosia jaso ondoren, egoiliarrak 15 minutuz egon dira behaketan. Gogoan izan behar da txertoa eraginkorra izateko bi dosi hartu behar direla, eta bigarrena, gutxi gorabehera, lehenengoa jaso eta 21 egunera emango dela.
Datozen egunetan Nafarroako gainerako zentro soziosanitario publiko eta pribatuetan jarraituko du txertaketa kanpainak, harik eta urtarrila eta otsaila bitartean gune horietan bizi diren 13.000 pertsonak eta bertako profesionalek txertoa hartu arte.
Txertaketa-estrategia
Datorren urteko lehen hiruhilekoan 36.000 pertsona ingururi txertoa jartzeko asmoa du Osasun Departamentuak, betiere Espainiar Estatuarekin koordinatuta eta txertoen eskuragarritasunaren arabera. Lehen fase horretan, zentro soziosanitarioetako biztanleei kolektibo profesional eta sozialak gehituko zaizkie. Martxotik aurrera, gainerako herritarrei txertoa jartzen hasiko lirateke, arrisku taldeen arabera eta Espainiako Gobernuko Osasun Ministerioak ezartzen dituen jarraibideen arabera.
Txertaketa-estrategia lehentasunezko lau taldetan banatzen da lehen etapa honetan. Zehazki, lehen taldea egoiliarrak eta egoitzetan lan egiten duten langileak dira. Horren atzetik, bigarren talde bat dago, covid-19a duten pazienteak zuzenean artatzeagatik birusarekiko esposizio-arrisku handiagoa duten osasun-langileek eta langile soziosanitarioek osatua. Hirugarren taldean, berriz, gainerako langile sanitarioak eta soziosanitarioak daude. Azkenik, laugarren taldean sartzen dira mendekotasun handikotzat jotzen diren pertsonak eta haien zaintzaileak.
Lehentasunezko lau talde horiek bete ondoren, txertaketa-kanpainaren bigarren fasea biztanleria orokorrari egokituko zaio, eta berriz ere etapa progresiboetan sailkatuko da, arrisku-taldeen arabera.
Zure interesekoa izan daiteke
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.
Iñigo Urrutia: "Azkenaldian badirudi Konstituzioak muga erantsiak ezartzen ari dizkiola euskararen normalizazioari"
Administrazioaren eta udalen hizkuntza-politikarako eskumena jarri du zalantzan EAEko Justizia Auzitegi Nagusiak bere azken ebazpenetan. Iñigo Urrutiak, jurista eta Administrazio Zuzenbideko irakasleak, dio ezengonkortasun politikoa areagotu daitekeela azken erabaki horiekin.