Nafarroak 88 covid-19 kasu berri atzeman ditu, eta % 10,6ra igo da positiboen tasa
Berriro ere, gora egin dute covid-19 kasuek Nafarroan. Hain zuzen ere, 88 positibo berri atzeman dituzte igandean, aurreko egunean baino 22 gehiago.
Guztira 827 PCR eta antigeno proba egin zituzten igandean, eta horietatik 88k eman zuten positibo. Horrek esan nahi du positiboen tasa % 10,6ra igo dela azken orduetan, Nafarroako Osasun Publiko eta laboraleko Institutuak (ISPLN) emandako datuen arabera.
Pandemiaren bilakaerari buruzko ikuspegi epidemiologikotik, ISPLNk dio atzo ez zela gaixotasun horrekin lotutako ospitaleratze berririk izan Foru Erkidegoan, ezta zainketa intentsiboetako unitateetan ere.
Era berean, atzo ez zen gaixotasun horren ondoriozko heriotzarik izan, baina aurreko egunetan bi hildako izan zirela jakinarazi dute, 38 eta 85 urteko bi gizon.
Iruñean eta bere eskualdean kasu positiboen % 55 erregistratu zituzten, Lizarran kasuen % 11, eta Tuteran kasuen % 8. Gainerako positiboak (% 26) Nafarroako beste zonalde batzuetan banatzen dira.
Azken egunean erregistratutako kasu berrien adin-tarteen araberako banaketari dagokionez, talde nagusiak 15 eta 29 urte artekoak (% 31) eta 45 eta 59 urte artekoak (% 30) dira. Jarraian, 30 eta 44 urte bitartekoen taldea dago (% 16), eta 60 eta 75 urte bitartekoen taldea (% 9). Azkenik, 15 urtetik beherakoen eta 75 urtetik gorakoen taldeak daude, kutsatu berrien % 7, hurrenez hurren. Positibo berrien batez besteko adina 41 urtekoa da.
Ospitale-okupazioaren ikuspegitik, Osasunbidea-Nafarroako Osasun Zerbitzuak jakinarazi duenez, ospitaleratzeen eta alten balantzearen ondoren, 126 pertsona daude ospitaleratuta covid-19arekin (atzo baino hiru gutxiago); horietatik 21 zainketa intentsiboetako unitateetan daude (atzo bezala), eta beste 30 etxeko ospitaleratzean (atzoko kopuru bera). Gainerakoak, 75 gaixo, gela arruntetan daude (atzo baino hiru gutxiago).
Birusak eragindako infekzioen intzidentzia metatua, eguneroko txostenen arabera eta Osasun Ministerioaren datuekin hileroko doikuntza egin ondoren, 42.828 kasukoa da Nafarroan, eta heriotzen kopuru osoa 973koa da Nafarroan.
Zure interesekoa izan daiteke
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.