Sari potoloak bi milioi utzi ditu Bilbon eta 400.000 euro Donostian
19.570 zenbakia, alegia, Erregetako loteriaren lehen saria, Bilboko Zorrotza auzoan eta Donostian egokitu da. Bilboko kasuan, Zorrotza-Castrejana kaleko 2. zenbakiko administrazioan saldu zen, eta bi milioi euro utzi ditu. Donostian, berriz, 400.000 euro uzti ditu zenbaki horrek asteazken honetan.
Hain zuzen ere, Bilboko Zorrotza auzoko Zorrotza-Castrejana kaleko 2. zenbakian utzi du diru gehien sari potoloak. Nereak eta Ainhoak, bertako bi loteria-saltzaileek, orain arte ez dutela inoiz "sari handirik banatu" azaldu dute, cava botila eskuan zutela.
"Hirugarren eta laugarren sariren bat eman genuen Gabonetan duela urte asko, baina sari nagusia ez genuen inoiz zozketan eman. Sari potoloak ihes egiten zigun, baina, egia esan, oso pozik gaude gaur", esan dute.
Loteria-saltzaileek azaldu dutenez, haien familiak 1982an ireki zuen bulegoa: "Gure aitak jarri zuen martxan. Urte asko daramatzagu auzoan, eta pozgarria da guretzat hain jende leialari albiste zoragarri hau eman ahal izatea. Azkenean, bezero guztiak ezagutzen ditugu, eta sari bat emateko irrikan gaude beti".
Bi saltzaileei oraingoz ez die inork deitu, beste administrazio batzuetako kideren batek bakarrik, zorionak emateko. Dezimorik ere ez da geratu, eta horietako bakoitzak 200.000 euroko saia du.
Euskadin, sari nagusia egokitu den beste lekua Arri Berri kaleko "Feli" taberna da, Altza auzoan (Donostia). Bertan, saritutako bi dezimo erosi zituzten, eta, ondorioz, guztira 400.000 euro irabazi dituzte.
Establezimenduko arduradunek azaldu dutenez, bi dezimo dira, eta haiek horietako bat gorde zuten, senideekin banatzeko. Zenbakia 70ean amaitzen da, taberna ireki zuten urtea gogora ekartzeko.
Bigarren sariaren zati bat (3.436) Erandion eta Ermuan (Bizkaia) egokitu da, baita San Andrianen eta Tuteran (Nafarroan) ere. Hirugarren sariaren zati bat (5.587), berriz, Derion, Ermuan, Azkoitian, Lasarten, Donostian, Hondarribian, Altsasun, Cordovillan eta Iruñean jausi da, nahiz eta hiru sari nagusiak oso banatuta dauden Espainia osoan.
Araban, ordea, ez da sari garrantzitsurik egokitu gaur eguerdian Madrilen egindako zozketan. Asteazken honetan egindako zozketarekin, 34 aldiz jausi da jada lehen saria Euskadin.
Lehen sariak dezimoko bi milioi euroko banatu ditu; bigarrenak, berriz, serieko 750.000 euro. Hirugarren sari bat ere badago, 250.000 euro (serieko). Azkenik, 3.500 euroko 20 sari eta 1.000 euroko beste 1.400 sari ere.
eitb.eus-eko bilatzailean kontsulta dezakezu Haurraren loteria egokitu ote zaizun.
Albiste gehiago gizartea
Eskolara itzultzea, inoiz baino garestiago: horrela aurreztu daiteke
Inflazioaren eta garestitzearen testuinguru orokor batean, iraila hilabete kritikoa da familientzat, beste ikasturte bati aurre egiteko prestatzen ari baitira, beharrezko eskola-materiala erosita.
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.