Positiboek goranzko joerari eutsi diote Nafarroan: 155 kasu berri, egun bakarrean
Covid-19 kasu positiboek goranzko joera hartu dute Nafarroan. Astelehenean 147 kasu berri atzeman zituzten, eta asteartean, berriz, 155, hau da, aurreko egunean baino 8 gehiago, Osasun Departamentuak emandako behin-behineko datuen arabera. Azken bost asteetan atzemandako positibo kopuru handiena da gaurkoa.
Positiboen tasari dagokionez, % 8,3an dago, asteartean baino ia bi puntu altuago (% 6,5). Atzo 1.861 PCR eta antigeno proba egin zituzten.
Udalerrika, Barañain da azken orduetan datu kezkagarrienak jaso dituena: 13 kasu berri. Iruñeko Bigarren Zabalgunea auzoan 9 kasu atzeman dituzte, eta Arrotxapean beste 8.
Zonaldeka, Iruñean eta Iruñerrian zenbat dituzte kasuen % 73, Tuteran % 16, Lizarran % 4 eta Nafarroako gainerako tokietan banatuta % 7a.
Adin-tarteak aintzat hartuta, 45 eta 59 urte bitartekoen artean izan dira kutsatzeen % 23; 15 eta 29 eta 30 eta 44 urte bitartekoen artean % 21; 60 eta 75 urte bitartekoen artean % 14; 75etik gorako pertsonetan % 12, eta 15 urtez azpikoetan gainerako % 9a.
Bestalde, kasuen % 62 emakumezkoen artean eman da, eta gainerako % 38a gizonezkoen artean.
Gaur-gaurkoz 122 pertsona daude ospitalean, covid-19ak jota (atzo baino bat gutxiago). Horietatik 17 ZIUn daude (bi gutxiago), eta 21 etxean artatzen dituzte (hiru gutxiago). Logela arruntetan, berriz, 84 pertsona daude (atzo baino 4 gutxiago).
Nafarroak jarraitzen du izaten, beste astebetez, biztanleriarekin alderatuta covid-19a atzemateko proba diagnostiko gehien egiten dituen erkidegoa: 805,84 mila biztanleko, Osasun Ministerioaren estatistika ofizialaren arabera. Estatuko batez bestekoa 481,11 da mila biztanlekoa da.
Hildako bat izan da azken orduetan
Covid-19arekin gaixotutako pertsona bat zendu da bart Nafarroan. Ospitaleratzeak 9 izan ziren, baina ez zuten inor ZIUra eraman.
Atzo hildako emakumeak 63 urte zituen. Guztira, 975 dira pandemia hasi zenetik Nafarroan hil diren pertsonak, eta 43.130 kasu atzeman dituzte.
Baheketa masiboa egingo dute ostegunean eta ostiralean Erriberrin
Nafarroako Gobernuaren Osasun departamentuak baheketa masiboa egingo du ostegunean eta ostiralean Erriberrin, azken egunetan koronabirusaren eraginak nabarmen gora egin duela antzeman ostean.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.