158 covid-19 kasu berri zenbatu dira Nafarroan, bezperan baino 36 gutxiago
158 covid-19 kasu berri zenbatu dira Nafarroan, azken orduotan, bezperan baino 36 gutxiago. Halere, kutxatzeen kopuruak behera egin duen arren, positibitate tasa % 8,1eraino igo da.
Egunero bezala, atzoko datuei buruzko behin behineko txostena argitaratu du Foru Gobernuak, eta bertan jasotakoaren arabera, ostiralean baino ia mila PCR eta test antigeno gutxiago egin zituzten atzo, 1.963.
Atzo 64 urteko gizon bat hil zen koronabirusarekin. Guztira, 991 hildako baieztatu dituzte Nafarroan.
Eskualdeka, Iruñean eta Iruñerrian positiboen % 56 baieztatu dituzte, Tuteran % 19 eta Lizarran % 9. Gainerako kasuak (% 16) Nafarroako beste zonalde batzuetan antzeman dituzte.
Adinari dagokionez, 45-59 urteko adin tartean positibo berrien % 26 eman dira, eta 30-44 tartean % 21. Ondoren, 15-29 eta 75 urtez gorakoak daude, % 17na kasurekin. Azkenik, 60-75 adin tartean positiboen % 13 antzeman dituzte, eta 15 urtez beherakoen artean % 6. Batez beste positibo berriek 47,9 urte dituzte.
Kasuen % 54 emakumeen artean antzeman dituzte, eta % 46 gizonezkoen artean.
Bestalde, Osasunbideak jakitera eman duenez, 133 pertsona daude ospitalean covid-19arekin (atzo baino bi gehiago), horietatik 15 ZIUn eta 18 etxean (atzo baino hiru gehiago). Gainerako 100 pazienteak logeletan daude.
45.059 pertsona kutsatu dira Foru Erkidegoan pandemia hasi zenetik.
Txertaketa egitasmoari dagokionez, 11.439 pertsonak lehen dosia jaso dute, eta atzo 553 txerto jarri zituzten. Osasun langileak txertoa jasotzen ari dira Refenan.
Bihar hasiko dira Nafarroan koronabirusaren kontrako txertoaren bigarren dosia jartzen. EAEn gaur hasi dira.
Jaitsiera EAEko kasu berrietan
EAEn 676 covid-19 kasu berri erregistratu dituzte azken orduetan, eta positibo tasa % 6,8koa da. ZIUn 92 pertsona daude ingresatuta.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.