AstraZenecaren txertoa merkaturatzeko baimena eman du Bruselak
AstraZeneca enpresa-farmazeutikoak eta Oxfordeko Unibertsitateak elkarlanean garatutako txertoa merkaturatzeko baimena eman du Europako Batzordeak ostiral honetan. Aurrez, Sendagaien Europako Agentziak 18 urtetik gorako pertsonei ematea gomendatu du, adin horretatik behera eraginkorra dela egiaztatu ezin izan dutelako.
AstraZencarena koronabirusaren pandemiari aurre egiteko Europar Batasunean baimendu duten hirugarren txertoa da. Orain arte, Pfizerrek eta Biontechek egindakoa eta Modernarena merkaturatu dituzte.
"Europako Batzordeak AstraZenecaren txertoa baimendu berri du", iragarri du Stella Kyriakides Osasun komisarioak Twitter bidez.
Jarraian, Ursula von der Leyen Europako Batzordeko presidenteak ondokoa idatzi du sare sozial berean: "Hitzartu genituen 400 milioi dosiak helaraziko dizkigutela espero dugu. Gure esku dagoen guztia egingo dugu europar guztiei eta munduko gainerako herrialde bazkideei txertoak bermatzeko".
Europar Batasunak AstraZenecarekin abuztuan egindako akordioaren arabera, enpresa-farmazeutikoak 300 milioi dosi entregatu behar dizkio Europar Batasunari urteko lehen hiruhilekoan, eta honek beste 100 milioi eskatzeko aukera izango du.
Alabaina, joan den astean konpainiak jakinarazi zion ezingo zuela emandako hitza bete ekoizpen-arazoak izan dituelako.
Harrezkero polemika handia piztu da, eta Bruselak adostutakoa bete dezala exijitu dio, eta Alemaniako eta Belgikako zentroetan produkzio-arazoak baldin baditu, dosiak Erresuma Batuan dituen lantegietatik bidal diezazkiola proposatu du.
Europako Batzordeak uste du Europar Batasunean egindako dosiak beste herrialde batzuei saldu dizkiola. Horrela, bada, aurrerantzean AstraZenecaren esportazioak kontrolatzeko erabakia hartu du. Hitzartutakoa betetzen ez badu, esportazioak geldiarazi dizkiola jakinarazi du Bruselak.
Bi dosi hartu behar dira
Ordu batzuk lehenago, Sendagaien Europako Agentziak eman dio oniritzia txertoari, baina 18 urtetik gorako pertsonei soilik ematean gomendatu du, adin horretatik behera eraginkorra dela egiaztatu ezin izan dutelako.
AztraZenecaren txertoa "segurua eta eraginkorra" dela egiaztatzeko probak Erresuma Batuan, Brasilen eta Hegoafrikan egin zituzten eta 24.000 boluntariok hartu zuten parte.
Boluntario gehienak 18 eta 55 urtekoak ziren eta horregatik ez dakite txertoaren eraginkortasun maila zenbatekoa izan daitekeen gainerako adin-tarteetan. Alabaina, Europako Agentziak zehaztu du oraindik zenbait ikerketa kliniko amaitu gabe daudela eta adinekoentzat balio duen ala ez aurrerago argituko dutela.
AstraZenecaren txertoak % 60ko eraginkortasuna du eta bi dosi hartu behar dira: lehengotik bigarrenera gutxienez lau aste igaro behar dira eta gehienez 12.
Pfizerren eta Modernaren txertoak baino errazagoa da gordetzeko; izan ere, 2 eta 8 gradu arteko hozkailu arruntetan gorde daitezke eta sei hilabetez iraun dezakete baldintza horietan.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.