Frantziak are gehiago gogortuko ditu sartzeko baldintzak
Frantziak gogortu egingo ditu Estatuan sartzeko baldintzak, covid-19ari aurre egiteko eta hirugarren konfinamendu zorrotza galarazteko asmoz.
Jean Castex lehen ministroak iragarri du koronabirusaren zabalkundea geldiarazteko neurri sorta berria, eta azaldu du elikagaienak ez diren 20.000 metro koadrotik gorako merkataritza zentroak itxi egingo dituztela.
Castexek Defentsa Kontseiluaren ostean egin du agerraldia, eta berretsi du, osasun egoera ikusita, mahai gainean jarraitzen duela konfinamenduak. "Oraindik hori saihesteko aukera bat eman behar diogu gure buruari", gaineratu du.
Larunbatetik iganderako gauerditik aurrera, debekatuta egongo da Europar Batasunetik kanpoko herrialde batetik Frantziako Estatuan sartzea, edo alderantziz, "pisuzko arrazoia" eduki ezean, lehen ministroaren arabera. Orain arte posible zen sartzea bizilekua Frantzian izanez gero.
EBko beste estatuetako bidaiarien kasuan, hau da, Hego Euskal Herriko herritarren kasuan, PCR negatibo bat erakutsi beharko da, Frantziako Estatuan lan egiten dutenek salbu.
Hori horrela, zorroztu egin dituzte neurriak, aurreko igandetik beharrezkoa baitzen PCR negatiboa erakustea, baina itsasoz edo hegazkinez iritsita soilik. Orain errepidez edo trenez iritsitakoek ere egin beharko dute.
Bestalde, Gobernuak eragile sozialekin hitz egingo du ahal den kasu guztietan telelana ezartzeko, eta Administrazioan horixe egingo duela aurreratu du.
Lehen ministroak gogorarazi du ospitaleetan 27.000 pertsona daudela gaixotasunarekin, eta 3.000 inguru egoera larrian.
"Aldaera britainiarrak eta hegoafrikarrak pandemiaren bizkortzeko arrisku larria dagoela pentsarazten" dutela azpimarratu du.
Castexek ohartarazi du "datozen egunak erabakigarriak" izango direla, eta segurtasun indarrek kontrolak indartuko dituztela harreman sozialak murriztea helburu duten neurriak betearazteko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.