145 salaketa jarri ditu Foruzaingoak asteburuan, covid arauak urratzeagatik
Urtarrileko azken asteburuan, 145 salaketa jarri ditu Nafarroako Foruzaingoak covid-19aren kontrako osasun araudia ez betetzeagatik. Herritarren 26 interbentzio eskaeraren berri eman du Poliziak:
Ostiralean, Orkoienera (taberna bateko terrazan arau-hausteak egiten ari zitezkeela abisatu zieten), Iruñera (hiru pertsona salatu zituzten saltoki batean maskara ez erabiltzeagatik), Taxoarera (baratze batean festa), Antsoainera (botiloia), Auritzera (tabernak ixteko ordutegiak betetzen ote ziren egiaztatzeko), Arronizera (neurriak urratzen ari ziren gazte taldeak) eta San Adrianera (gazte taldeak) joan ziren.
Larunbatean, Antsoainera, Iruñera (3) eta Etxarri-Aranazera joan ziren (isolamendu eta berrogeialdiko neurriak betetzen ziren egiaztatzea), Milagrora (kinto-jana, baina neurriak betetzen ziren), Olatz/Eguesera (hiru pertsona salatu dira abandonatutako etxe batean botiloia egiteagatik), Tuterara (festa landa inguruan), Altsasura (zenbait familia-unitateren balizko bilera izan zitekeelako), Caparrosora (botiloia), Torres del Ríora (ordutegia betetzen ez zuen taberna), Doneztebera, Iruñera (10 lagun bajera batean), Beriain (bederatzi pertsona salatuta), Oskotzera (hainbat pertsona salatuta neurriak ez betetzeagatik), Atarrabiara (festa etxe batean) eta Lodosara (16 gazte botiloia egitea), haietako batek salaketa jaso zuen agintaritza-agenteekiko errespetu faltagatik eta substantzia estupefazienteak edukitzeagatik.
Azkenik, Zizur Nagusira joan ziren, udalerriko Udaltzaingoarekin batera, bizilagun batzuek ohartarazi zutenean komunitatearen garaje batean festa bat egiten ari zirela. Lekuan gazte talde jendetsu bat zegoen, alkohola eta beste sustantzia estupefazienteak hartzen, topatutako zantzuen arabera.
Batzuk, poliziak ikustean, ihes egiten saiatu ziren. Beste batzuk ibilgailuen eta garajearen beste tokietan ezkutatzen saiatu ziren, baina agenteek topatu egin zituzten.
Festan zeudenek asteburuetan bertan egoten direla onartu zuten. Azkenik, 21 gazte salatuak izan ziren, covid-19aren kontrako araudia ez betetzeagatik.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.