Jokin Bildarratz: "Miraria da ikasgelen % 98,7 zabalik egotea"
229 ikasgela zeuden koronabirusagatik itxita, atzo, Euskal Autonomia Erkidegoan (EAE). "Hau Tourmalet (mendatea) igotzea bezala da eta kostatzen ari da", esan du Jokin Bildarratz Eusko Jaurlaritzako Hezkuntza sailburuak Radio Euskadiko "Boulevard" saioan egin dioten elkarrizketan. Hala ere, ikasgelen % 98,7 zabalik daudela azpimarratu du. Ildo horretan, helburua aurrez aurreko hezkuntza bermatzea dela gaineratu du.
Koronabirusa ikasgeletan izaten ari den intzidentzia aintzat hartuta, irizpideak aldatu dituztela azaldu du Hezkuntza sailburuak. "Orain dela 15 egun kontaktu estu bezala jotzen ziren positibo batengandik metro eta erdira egondakoak", orain, ostera, "bi metrora" dagoena hartzen da kontuan. Beraz, "gela kopurua handitu behar da", zehaztu du. Osasun Sailak ezarritako protokoloen gainean lanean ari diren ikastetxeen "ahalegin handia" nabarmendu du. "Gauzak ondo egiten ari bagara, Osasun Saila aholkuak ematen ari zaigulako da, elkarlanean ari gara".
Jokin Bildarratzek gogoratu duenez, "oraindik alarma egoeran gaude", eta Hezkuntza Sailetik "115 milioi euro" inbertitzen ari dira koronabirusagatik bakarrik, hau da, "Radio Euskadiren aurrekontua baino zortzi aldiz gehiago eta Eusko Legebiltzarraren funtzionamendurako aurrekontua baino hiru aldiz gehiago ".
Hezkuntza sailburuak aurrekontua xehatu du: "1060 irakasle baino gehiago eta jantokietan 1150 profesional baino gehiago jarri ditugu. Ikastetxe publikoen gastua 68 milioi eurotik gorakoa da eta itunpeko ikastetxeena, ostera, 38 milioi eurotik gorakoa. Udalen garbiketa gastuak ordaintzeko 2,5 milioi euro baino gehiago jarri dira. Garbiketan eta segurtasunean milioi bat euro baino gehiago inbertitzen ditugu, hilero, zentro guztietan". Gainera, irailetik urtarrilera bitartean, "irakasleen 19.378 ordezkapen egin dira, iaz baino % 23 gehiago". Horrez gain, hainbat herritako zentroetan "110 karpa" jarri dira eta hiru milioi euro inguru baliatu dira horretara. "Kontuan izan behar dugu ahalegin handia dela", gehitu du.
Mahai sektorialaren harira, sindikatuek jarrera harbera dutela eta "akordioak lortu arte eserita" jarraituko dutela adierazi du.
Datorren urterako matrikulazioari buruz galdetuta jaitsiera izan dela onartu, "% 9 jaitsi da aurreko urtearekin alderatuta". Dena dela, "helburua hezkuntzaren kalitatean lan egitea" da.
Erredakzioan itzulia
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.