Judimendi HLHIk Osakidetzaren "azkartasun eta ardura" falta salatu du
Gasteizko Judimendi HLHIko (EAEn hezkuntza-jarduera presentziala etenda duen zentro bakarra) irakasleen klaustroaren ustez, zentroaren egoerak "gainezka" egin du, Osakidetzak ez baitzituen lehen kasuak "azkar eta arduraz" aztertu, eta utzikeriaz hitz egin du.
180 ikasle inguru eta Haur eta Lehen Hezkuntzako 12 gela dituen eskola publiko horretako irakasle-taldeak sinatutako gutun batean zehazten denez, azken astean ikasleen eta irakasleen artean baieztatutako kasu positiboen "kopuru handia" (22) dela-eta itxi dute zentroa.
Irakasleen klaustroaren arabera, zentroak "zorrotz" bete du Osasun Sailak ezarritako protokoloa. Eta gaineratu du protokolotik kanpo "ezohiko" neurriak hartu behar izan zituztela, "kutsatze larriagorik ez gertatzeko".
"Ikastetxearen ekimenez, sei gela etxera bidali behar izan ditugu prebentzioz, Erakunde Sanitario Integratuak (ESI) esaten zuelako ikasgeletan ez zela arakatzerik egin behar, horietako bakoitzean bi eta hiru kasu positibo baieztatuta egon arren", adierazi dute.
Zentzu horretan, zentroak hartutako neurriei esker "kutsatze gehiago" saihestu direla ziurtatu dute. Era berean, Osasun Saileko protokoloan ikusi dituzten hainbat "gabezia" aipatu dituzte, baita ESIrekin komunikatzeko "zailtasuna" ere. Zailtasun horrek "zaildu" egin du egoera kudeatzea.
Irakasle-taldeak egindako salaketaren arabera, "ez da atzerako arakatzerik egiten kasu bat sintomarik gabekoa bada eta astelehenean positibo ematen badu, aurreko 48 orduak soilik arakatzen direlako". Egoera horretan izan dira eskolako lau ikasgela, eta ESIak ez ditu prebentziozko konfinamenduak ezarri, nahiz eta ikasgeletan arakatu gabeko kontaktu estuen artean kutsatzeak gerta zitezkeen.
Halaber, horien hitzetan, protokoloa "urritik" eguneratu gabe dago, "zentroei ez diete eskatu eraginkortasunari buruzko iritzirik" eta ez dago ESIri informazioa azkar helarazteko telefonorik, ezta erantzunetan "azkartasunik" ere.
Zure interesekoa izan daiteke
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.