Azken hilketa matxista gaitzetsi dute ehunka pertsonak Sestaon
Ezkerraldean izandako azken genero indarkeria kasuak salatu dituzte Sestaon eta Barakaldon (Bizkaia). Ostiralean, gizon batek bere emaztea hil zuen Sestaon, eta gero bere buruaz beste egin zuen. Gainera, Barakaldon beste gizon atxilotu zuten emakume bati sexu abusuak egiteagatik, eta azken 24 orduetan beste eraso matxista bat izan zela ere salatu zuten.
Sestaoko Udalak deitutako elkarretaratzean, ehunka pertsonak hildako emakumearen familiari babesa adierazi diote eta hilketa matxista gaitzetsi dute. Ekitaldian izan dira, besteak beste, Beatriz Artolazabal Berdintasun, Justizia eta Gizarte Politiketako sailburua, Izaskun Landaida Emakundeko zuzendaria eta Denis Itxaso Espainiako Gobernuak EAEn duen ordezkaria.
Landaidak "gogor" gaitzetsi du hilketa, eta familiari "doluminak eta babesa" helarazi ondoren, indarkeria matxistaren "egiturazko arazoari" aurre egiteko gizartea "osatzen dugunon jarrera aktiboa" ezinbestekoa dela azpimarratu du. "Horrelakoek erakusten digute oraindik asko dagoela egiteko", esan du.
Landaidak mezu bat bidali die genero indarkeriaren biktimak diren emakumeei, horiei arreta emateko dauden baliabide publikoak gogoratuz: "Zuen egoera hurbil dituzuen horiei kontatu eta profesionalen esku jarri denon artean irtenbide bat bilatzeko".
Artolazabalek, bestalde, "Eusko Jaurlaritzaren maitasuna eta babesa" adierazi dizkie "biktimaren senide eta gertukoei", eta gogorarazi du kasua "indarkeria matxistaren beste kolpe berri bat" dela, "bere aurpegirik krudelenarekin". "Herritarrei adi jarraitzeko eskatzen diet. Guztion indarkeria kasuak atzeman ditzakegu, eta erakundeak emakume hauei laguntzeko erremintak ditugu", esan du.
"Hurrengo hilabeteetan Legebiltzarrak Berdintasun lege berri bat onartuko du, eta indarkeria matxistaren kontrako erreminta berriak hartuko dira, emakumeen hiletak gure gizartean egiturazkoa den berdintasun ezaren adierazpen krudelena direla jakinda".
Azkenik, genero indarkeriaren kontrako borrokan oraindik "bide luzea geratzen zaigula" ohartarazi du.
Itxasok "hilketa matxista deitoragarria" gaitzetsi eta Sestaoko herriaren erantzuna nabarmendu du. "Ozen esaten dugu ez dugula nahi matxismo biolentoaren pozoia gure gizartean zabaltzea", esan du.
Gorka Alvarez Sestaoko Udalaren bozeramaileak esan duenez, "Sestaoko Udalak ardura dauka kasu honetan, eta jarraitu behar dugu berdintasun politikak eta politika sozialak garatzen eta lantzen gure egunerokotasunean".
Emari mugimendu feministak beste protesta bat deitu du 18:00etan herriko Kasko plazan.
Barakaldon, Argitan mugimenduak deitutako elkarretaratzean, Erasorik ez erantzunik gabe lelopean, Sestaoko hilketa matxista eta Barakaldon azken 24 orduetan gertatutako bi sexu abusuen kasu salatu dituzte.
Mugimendu feministak ohartarazi du ez diotela utziko kalean protestatzeari, "salaketa publikoak egitea ezinbestekoa delako", eta "indarkeria matxistaren kontra egiteko baliabide gehiago" eskatu ditu.
Elkarretaratzea Barakaldon. EITB Mediaren bideo bateko irudia
Zure interesekoa izan daiteke
Eusko Jaurlaritzak laguntza eskaini die Santanderren hildakoen familiei
Istripua "oso krudela" izan dela esan du lehendakariak. Ertzaintzak hiru euskal gazteen heriotzaren berri eman die familiei: Barakaldoko 19 urteko bi neska eta Balmasedako 21 urteko mutil bat.
Osakidetzak giza papilomaren birusaren baheketa hasiko du, 30 urtetik gorako emakumeentzako
Etxera bidalitako gutun baten bidez helaraziko zaie emakumeei, lagina norberak etxean har dezan. Proiektu pilotua Donostialdean eta Tolosaldean hasiko da, eta, ondoren, Gipuzkoa osora zabalduko da, baita Araba eta Bizkaira ere.
Biktimak Herasko La Granja ikastetxeko ikasleak ziren, nekazaritza eta ingurumen prestakuntzan erreferentziazko zentrokoak
Tragediaren biktimek abeltzaintzako eta animalien osasun-laguntzako goi-mailako teknikaritzako zikloan parte hartzen zuten. Zentro horrek ikasleak prestatzen ditu abeltzaintzako ustiategiak kudeatzeko eta albaitari-taldeekin lankidetzan aritzeko.
Zer dakigu, eta zer ez, Santanderreko istripuaz?
Astearte arratsaldean Bocal Santanderko kostaldeko pasabidean izandako istripuaren nondik norakoak ikertzen ari dira. Pasabideetako bat behera etorri zen eta bost pertsona hil ziren, tartean, hiru euskal herritar.
Elvillarko (Araba) neska bat zainketa intentsiboetako unitatean dago, Santanderreko istripuaren ondorioz
Gaztea, Elvillarkoa, larri dago Valdecillako Markes Unibertsitate Ospitalean.
Barakaldoko bi gazte eta Balmasedako bat, Santanderreko istripuan hildakoen artean
Espainiako Gobernuak Kantabrian duen Ordezkaritzak jakinarazi duenez, bost hildakoak Barakaldoko (Bizkaia) 19 urteko bi neska, Balmasedako (Bizkaia) 21 urteko mutil bat, Igollo de Camargoko (Kantabria) 22 urteko beste gazte bat eta Almeriako (20 urte) beste bat dira. Atzotik ospitalean dagoen neska, berriz, Elvillarkoa (Araba) da eta 19 urte ditu.
Hornidura arazorik izango al da Euskal Herriko gasolindegietan? Larritzeko arrazoirik ez, zerbitzuguneen elkartearen arabera
Auto gehiago ibili dira azken egunotan gasolindegietan eta zenbait arazo izan dira hornidurarekin.
Albiste izango dira: Gau erabakigarria Anoetan, Ekialde Hurbileko gatazka eta tolosar baten gorpuaren agerpena Parisen
Gaur Orain-en albiste izango direnen laburpena, bi hitzetan.
Ibilaldiaren aurtengo kanta aurkeztu dute, “Hiri Kiribili Bil”
Kirikiño Bilboko ikastolak antolatu du Bizkaiko ikastolen aldeko aurtengo jaia. Kantua Aiora Renteriak (Zea Mays), Unai Madariagak (Ezezez) eta Txopet hirukoteak konposatu eta interpretatu dute.
Auto-ilarak Arrontegiko zubian, Getxorako noranzkoan, istripu arin baten ondorioz
Errei bat itxi behar izan dute, eta arazoak sortzen ari dira eskuinaldeko sarbide nagusietako batean.