33 urteko gizon bat atxilotu dute Bilbon Gasteizen emakume bat bahitzeagatik

Gizonezkoa asteazken gauean hartu zuten atxilo legearen kontrako atxiloketa egotzita. Atzo eraman zuten epailearen aurrera, eta horrek deklarazioa hartu ostean, libre geratu zen.

E. G. | EITB MEDIA

2021/02/19 - 12:10

Azken eguneratzea

2021/02/19 - 12:10

Bilboko Udaltzaingoak 33 urteko gizon bat atxilotu zuen asteazkenean emakume bat bahitu eta indarrez atxikitzeagatik. Emakumea Gasteizen bahitu, eta autoan Bilbora eraman zuen atxilotutakoak. Legearen kontrako atxiloketa delitua egotzi diote. Epaileak aske utzi zuen atzo, deklarazioa hartu ostean.

Bilboko Udaleko zein Ertzaintzako iturriek eitb.eus-i jakinarazi diotenez, gertakariak asteazkenean jazo ziren. Bilboko Udaltzaingoari Karmelo kalera (Santutxu auzoan) joateko eskea egin zioten hainbat herritarrek, bahituta egon zen emakume batekin zeudela ohartarazita. Andreak agenteei kontatu zienez, gizon batek Gasteizen bahitu zuen, eta indarrez bere autoan, Volkswagen beltz batean, Bilbora ekarri zuen.

Begoñako Polizia Ikuskari Teknikoen Unitateko agenteek eremua arakatu zuten eta handik gertu topatu zuten autoa, eta horren barruan, ustezko erasotzailea. 33 urteko gizonezkoa 23:25ean atxilotu zuten legearen kontrako atxiloketa delitua egotzita.

Une horretatik aurrera auzia Ertzaintzaren esku geratu zen, halako delituak bere eskumena direlako. Atxilotutakoa polizia-etxera eraman zuten, eta atzo igaro zen epailaren eskutik. Deklarazioa hartuta, aske geratu zen atzo.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Zure interesekoa izan daiteke

Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera

Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.

Kirola, musika eta lan gogorra: 110 urteko Isabel donostiarraren sekretua

Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.

Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"

Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.

Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa

AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.

ETB ON aurkeztu dute, EITBren telebista plataforma digital berria

ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.

Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute

Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.

Urdaibaiko Guggenheim museoa baztertu dute, proiektua iragarri eta 17 urtera

Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.

Guggenheim Urdaibai egitasmoa behin betiko baztertu du museoko Patronatuak

Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.

163 postuk eta hogei bat jarduerak girotuko dute Donostiako San Tomas azoka

Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.

Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian

Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.