Etxe-lapurretak egiten dituen talde kriminal bateko bi kide atxilotu dituzte Loiun
Ertzaintzak talde kriminal bateko kide ziren 36 urteko gizon bat eta 21 urteko emakume bat atxilotu ditu Loiuko aireportuan (Bizkaia), Nafarroako Foru Erkidegoan hainbat etxetan lapurretak egitea leporatuta. Astelehenean, otsailaren 15ean, atxilotu zituzten, mugitzeko erabiltzen zuten alokairuko kotxea entregatu eta gero.
Dirudienez, modus operandi hau erabiltzen du taldeak: familia bakarreko etxeetara sartzen dira ilunabarrean, lehenengo solairura igotzen dira alarma sistemari iskin egiteko, eta ateak eta leihoak blokeatzen dituzte bihurkinez edota antzeko tresnak baliatuz. Poliziaren kontrol lana zailtzeko, alokairuko kotxeak erabiltzen dituzte eta bizitokiz aldatzen dira egunero.
Foruzaingoak eta Nafarroako Guardia Zibilaren Polizia Judizialeko Unitate Operatiboak helarazitako informazioari esker, baina, Ertzaintzak taldeko kide batzuk aurkitu eta zaintzapean jarri zituen otsailaren 9an. Ikerketa Kriminalaren Zerbitzuak egindako behaketa zorrotzari esker jaki dutenez, Muskiz eta Getxoko etxeak aztertzen ari ziren, etxebizitza horietan egin nahi zituzten lapurretak prestatzeko.
Zenbait egiaztapen egin ondoren, atxilotu egin zituzten biak, Nafarroan egindako lapurreten egileak izatea egotzita, eta, ondoren, epailearen esku utzi zituzten. Bestalde, egiaztapen horiei esker baieztatu dute taldea beste probintzia batzuetan ere aritu dela; Castellon eta Alacanten, besteak beste.
Informazio guztia Nafarroako Foruzaingoari eta Guardia Zibilaren Polizia Judizialeko Unitate Operatiboari helarazi diote, antzeko beste gertakari batzuetan parte hartu duten argitzeko behar diren ikerketa eta egiaztapenak egin ditzaten.
Zure interesekoa izan daiteke
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.