Jaurlaritzak eta unibertsitateek aurrez aurreko eskolen aldeko apustua berretsi dute
EAEko hiru unibertsitate nagusietako errektoreek eta Eusko Jaurlaritzak aurrez aurreko eskolak ematearen aldeko apustua egin dute ikasturtea amaitzeko geratzen diren hilabeteetan, eta covid-19aren aurkako txertaketan zentroetako langileak lehentasunezkoen artean sartzea eskatu dute.
Eva Ferreira EHUren errektoreak, Jose Maria Guibert Deustuko Unibertsitaekoak eta Vicente Atxa Mondragonekoak bilera egin dute gaur Jokin Bildarratz Hezkuntza sailburuarekin ikasturtearen nondik norakoak azaltzeko.
Sailburuak agerraldia egin du hiru errektoreekin batera bileraren berri emateko, eta denek egin omen dute bat ikasturtearen balantze positiboa dela, eta azpimarratu dute eskolak aurrez aurrekoak izaten ari direla, beharrezko segurtasun neurriekin.
Hiru unibertsitateak aintzat hartuta, 2.580 kasu positibo atzeman dituzte ikasturte honetan (2.240 ikasle eta 340 langile), astean 80 kutsatze batez beste 64.341 ikaslek eta 9.709 langilek osatutako kolektibo batean. Hezkuntza Sailaren arabera, gainera, ia ez da kutsatzerik izan kanpus barruko jarduera akademikoetan.
Bildarratzek berretsi du unibertsitateen helburua aurrez aurreko eskolekin jarraitzea dela, bestelako hezkuntza zentroekin bezalaxe, eta ikasleen lana goraipatu du ikasgelak "seguruak eta covidik gabe" mantentzeko egiten duten lanagatik, eta ikasleak ere txalotu ditu esfortzu berberagatik.
Horren harira, EHUren errektoreak "ahal den maila altuenean" aurrez aurreko eskolak izatearen alde egin du, eta horrekin lotu du irakasleei lehenbailehen txertoa emateko eskaera.
Bestalde, Bildarratzek azaldu duenez, batzarrean parte hartu dutenek enpresekin lan egiten jarraitzea adostu dute, irakaskuntza duala bermatzeko, eta digitalizazio prozesuan sakontzea defendatu dute, 3,9 milioi euroko inbertsioarekin.
Deustuko unibertsitatearen errektoreak esan du bere zentroetan helburuak bete dituztela eta seihileko honetan ikasleek notak hobetu dituztela. Baikor agertu dira ikasturtearen balantzearekin, eta 1.670 ikaslek beka dutela jakinarazi dute.
Bestalde, Mondragon Unibertsitatearen errektoreak azpimarratu du irailera begira helburua metodologia eta azpiegiturak hobetzea dela, aurrez aurreko eskolak eta praktikak enpresetan eskaini ahal izateko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.