Sagardui: "Kontua ez da soilik neurriak ezartzea, neurri horiek betetzea baino"
Gotzone Sagardui Osasun sailburuak berretsi egin du Euskal Autonomia Erkidegoan "egoera kezkagarria" dela covid-19aren pandemiaren hedapenaren eraginez eta enegarrenez azpimarratu du prebentzio neurriak betetzea "oso garrantzitsua" dela. "Kontua ez da soilik neurriak ezartzea, neurri horiek betetzea baino. Neurri horiek beteta soilik egin ahal zaio aurre birusari", erantsi du.
Hala, Sagarduik esan du LABI teknikoak pandemiari buruz egindako azterketaren ondorioak kontuan hartuta erabakiko dutela segurtasun-neurriak zorroztea edo ez.
Ospitaleetako egoerari dagokionez, Osasun sailburuak esan du presioa handia dela zainketa intentsiboetako unitateetan, baina ziurtatu du oraingoz covid-19arekin lotuta ez dauden bestelako gaitzen asistentzia eta ebankuntzak bermatuta daudela.
Hori bai, kutsatzeen joerak berdin edo goraka jarraituz gero, erietxeetako jardueratan berriz ere lehentasunak ezarri beharko dituztela aitortu du.
"Zainketa intentsiboetako unitateetan ohe gehiago jartzea posible da, baina helburua zaintza zerbitzua bermatzea da", adierazi du.
Bestalde, pandemia EAEn izaten ari den eraginari buruz Eusko Jaurlaritzak eta Espainiako Gobernuak emandako datuak bat ez datozela eta, Sagarduik esan du ez dakiela Osasun Ministerioa zein datutan oinarritzen den bere agiriak egiterakoan. "Osasun Sailak egunez egun biltzen dituen datu guztiak argitaratzen ditu", azaldu du.
Zure interesekoa izan daiteke
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egiten ari dira 17:25etik Bilbao Arenan.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.
Idurre Eskisabel: "Euskararen pizkundearen lehen txinparta izango da hau"
Euskalgintzaren Kontseiluak deialdia egin du larunbat honetan Bilbao Arena betetzeko. Hitzorduaren helburua da euskal hiztun guztiak mobilizatzea, Idurre Eskisabel idazkari nagusiaren arabera, euskararen "pizkunde" berri baten aldeko "txinparta pizteko", aldarrikapena eta euskal kultura uztartuz, "kulturgileak funtsezkoak baitira hizkuntza batek zentzua eta etorkizuna izan dezan".