Donostiako Udalak eta ADIFek Martuteneko trenbide-pasagunea kenduko dute
Donostiako Udalak eta ADIFek lankidetza-protokoloa adostu dute, Barkaiztegi bideko trenbide-pasagunea kentzeko. Donostiako Martutene auzoko tren-geltokiaren ondoan dagoena da, Renferen Madril-Hendaia linean.
Udaleko Gobernu Batzarrak esku-hartze horretarako jarduketa-protokolo orokorra onartu du, eta trenbide gaineko pasagune bat eraikiko dute, trenbidearen bi aldeek errepidez komunikatuta jarraitzeko.
Eneko Goia Donostiako alkateak azaldu duenez, "beharrezko" jarduketa da, Abiadura Handiko Trenarekin eta Atotxako geltoki berriarekin lotutakoa, AHTak "ez baitu bere ibilbidean trenbide-pasagunerik baimentzen".
Horren esanetan, bi fase izango ditu. Lehenengoan, trenbide-kudeatzaileak trafikoa behin-behinean desbideratzeko ardura hartuko du, trenbide-pasagunearen ordezko ibilbideen bidez. Bigarrenean, aldiz, behin betiko bidegurutzearen proiektua idazteaz eta obrak egiteaz arduratuko da. Goiaren arabera, Hipikako bidean gaur egun dagoen pasabidearen ordez beste bat eraikiko dute. Trenbide gainetik pasagunea eraikitzean datza irtenbide hori, gauzatzeko bi milioi euroko aurrekontua eta bi urteko epea beharko dituena.
Alkatearen esan du, halaber, Martuteneko geltokiari ere eragingo diotela "AHTa hedatzeak ekarriko dituen lanek", Renfeko bidaiariek trenbidea gurutzatu behar izaten baitute nasa batetik bestera igarotzeko, norabideetako batean doazenean.
Hori dela eta, iraganean egin zuen bezala, Udalak geltoki hori birmoldatzeko eskatu dio beste behin trenbide azpiegituren kudeatzaileari, eta "Pilar aldeko oinezkoentzako pasagune berriaren ondora lekualdatzea", bateratuago eta integratuago gera dadin Martutene auzoan.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".