Joseba Segura izendatu dute Bilboko gotzain
Frantzisko aita santuak Joseba Segura Etxezarraga izendatu du Bilboko gotzain. Orain arte, elizbarrutiko gotzain-laguntzaile administratzaile izan da.
Gotzain-kargua hartzeko ekitaldia uztailaren 3an izango da, Bilboko Santiago Apostolua katedralean. Bizkaiko hiriburuko zazpigarren gotzain bilakatuko da horrela, 1950ean elizbarruti hori sortu zenetik.
Segura zen Bilboko elizbarrutia zuzentzeko hautagai nagusia, Mario Iceta, aurreko prelatua, Burgosko artzapezpiku izendatu zutenetik, abenduan. Ordutik, elizbarrutiko gotzain-laguntzaile administratzaile gisa jardun izan du, kargua hutsik zegoen aldian.
Kargu berriaren iragarpenaren ostean Segurak adierazi duenez,"berri ona da, ez niretzat, betidanik partaide izan naizen eta orain gotzain gisa hartzen nauen fede komunitatearentzat baizik".
Gotzain izendatutakoak bere auzoa, Errekalde, izan du hizpide, eta "Bizkaiko Eliza honekiko" duen lotura azpimarratu du, aurreko kargudunarekin partekatzen duena.
Europako inguruaren eta gizartearen egoera nabarmendu, eta "eraldaketa azkarra eta sakona" gertatzen ari dela esan du. "Aldaketa horiek gure Elizari ekartzen dizkioten erronketako batzuk gero eta zorrotzagoak izango dira", gaineratu du.
Segurak aita santuari eskertu dio beregan ipinitako konfiantza, eta, gaineratu duenez, "ez da txaloka hasteko edo duintasunetan pozteko sasoia".
Azkenik, eskertu egin ditu "bizitako esperientzia, harreman eta topaketak". Haren aburuz, atzera begiratzean, "orain gauzak hobeto egiteko balio dezakete horiek".
Zure interesekoa izan daiteke
Bizkaiko bizilagun bat hil da eta zazpi senide zauritu, Biescasen izandako istripu batean
Istripua 14:15ak aldera gertatu da, N-260a errepidean. Familiako batzuk zihoazen auto batek aurrez aurre jo du kontrako noranzkoan zihoan beste batekin, eta atzetik zihoazen beste familiako kide batzuen autoak lehenengoaren aurka talka egin du.
Horrela grabatu dute segurtasun kamerek Arabako lurrikara
Arabako errepideetako segurtasun kamerek grabatu dute bart gaueko lurrikararen unea. Lurrikara laburra izan den arren, bibrazioa ikus daiteke horietako batzuetan.
Gizon bat atxilotu dute Gernikan, bikotekide ohia jipoitu, aizkora batekin mehatxatu eta ordu luzez atxikitzeagatik
50 urteko gizonak urruntze agindua zuen indarrean, pertsona beraren aurkako tratu txarren beste kasu batengatik. Erasotzailea espetxeratzeko agindua eman du udalerriko Guardiako Epaitegiak.
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.