Irribarrea da ospitalean dauden haurren sendagairik onena
Gaur, maiatzak 13, Ospitaleratutako Haurren Eguna den honetan, Saioa Aizpurua AlgaraKlown elkarteko kidearekin hitz egin du EITB Mediak. Umorea, alaitasuna eta goxotasuna ardatz harturik, urteak daramatzate Donostia Ospitalean gaixorik dauden umeei irribarrea ateratzen, hori baita, askotan, sendagairik onena.
Pandemiak ospitaleko pailazoen lanean zer-nolako eragina izan duen, eta, batez ere, erietxean dauden haurren egunerokotasunean nola eragin duen kontatu digu Aizpuruak. "Egoera berri honekin, gure lana bertan behera geratu da", esan digu.
Horren aurrean, ospitalean gaixorik dauden haurrekin aurrez aurre egoteko aukerarik izan ezean, beste formula bat bilatu behar izan dute pailazoek: bideo-deiena. "Horrela, gure lanari jarraipena eman ahal izan diogu; izan ere, gure lanak haurrengan duen eragina oso baliogarria da", aitortu du.
Pandemiak erabat aldatu du haurrekin lan egiteko modua, eta Aizpuruak argi du: "Gure lanerako, aurrez aurreko saioak egitea eta horietan sortzen den harremana ezinbestekoak dira". Oraingoz, baina, bideo-deien bidez harreman horri eustea lortu dute, baita saioen iraupena luzatzea ere.
Dena dela, AlgaraKlown elkarteko kideak esan du pailazoen nahia dela "pixkanaka ospitaleko ateak zabaltzea eta haurrekiko harreman zuzena berreskuratzea".
Egunotarako ekimen dibertigarri bat jarri dute abian, Lauaizeta Ikastolako ikasleekin batera. Pailazoek, Ospitaleko langileek eta ikasleek Tik Tok ugari grabatu dituzte #AlgaraBatHemendikHara etiketapean, gero, ingresatuta dauden haurrei helarazteko. Gainera, mundu guztiari dei egin die Tik Tok horiek partekatu, berriak sortu eta "egun batez pailazo" izateko.
Hona hemen AlgaraKlown elkarteak egin duen Tik Tok-etako bat:
Zure interesekoa izan daiteke
Aske utzi dute Barakaldon udaltzain baten tiroa jaso zuen ustezko lapurra
Gizonak arma zuri batekin egin zien mehatxu poliziei, eta udaltzain batek hanka batean tiro egin ostean atxilotu zuten.
EHUn ke poteak jaurti eta pankartak jarri direla eta, epelkeria ukatu eta salbuespenak direla esan du Bengoetxeak
EHUko errektoreak azaldu duenez, jarduera protokolo bat prestatzen ari dira, hezkuntza komunitate osoaren ekarpenak bilduta, erakundearen barruan errespetua eta bizikidetza sustatzeko.
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen horien autoan, eta konfiskatu egin zizkieten.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.
Gizon bat atxilotu dute Barakaldon, indarkeriaz egindako lapurreta bat artatzera joandako udaltzainei labanaz mehatxu egitea egotzita
Agenteak taser pistola bat erabiliz saiatu ziren hura geldiarazten, eta ez zutela lortzen ikusita, tiro egin zioten hanka batean. Atxilotua Gurutzetako Ospitalera eraman zuten gero, baina arriskutik kanpo dago.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.