Simon: "Oso litekeena da egun gutxian musukoaren erabilera arintzea kanpoalderako"
Fernando Simon Espainiako Osasun Larrialdietarako Koordinazio Zentroaren koordinatzaileak iragarri du oso litekeena dela musukoaren erabilera arintzea kanpoko eremuetan, pandemiaren bilakaera hobera egiten ari dela eta covid-19aren aurkako txertaketa kanpaina ondo doala kontuan hartuta.
"Egia da aire librean neurri batzuk, tartean maskaren erabilera, arintzea egun gutxitan, baina aurrez arriskuak murriztu direla baieztatu behar dugu", adierazi du Osasun Ministerioaren epidemiologoak arratsaldean egin duen agerraldian.
Ez du datarik aurreratu nahi izan, baina txertaketa kanpaina ondo doala eta kutsatzeen kopuruak beherako joeran jarraitzen duela ikusita, erabaki hori azkar har dezaketela iradoki du.
"Ez da ona datarik aipatzea, baina egungo datuak kontuan hartuta, hala izango dela aurreikusten dugu. Bilakaera oso ona da eta txertaketa oso ondo doa. Hilabeteren buruan neurri batzuk arintzeko moduan egongo gara, beste batzuk mantendu beharko ditugu arren. Baina argi izan behar dugu pausoz pauso joan behar dugula", azaldu du.
Horrela, bada, oraindik une hori iritsi ez dela azpimarratu du: "Norbera babesteko neurriak arintzea ahalbidetzen duten daturik ez dugu oraingoz".
"Zuhurtziaz jokatu behar dugu eta ez gara azkarregi joan behar. Egin beharreko bidea argi izan behar dugu eta pausoak ez ditugu arinegi eman behar", erantsi du.
Bere iritzian, autonomia erkidegoetan intzidentzia-tasa metatua 100.000 biztanleko 150 kasutik behera dagoenean izan daiteke musukoaren erabilera arintzeko unerik egokiena. "Horrek jarraibideen dokumentua eguneratzea ekarriko luke. Laster egoera horretan gaitezke, baina esandakoa, urratsez urrats joan behar dugu", nabarmendu du.
Zure interesekoa izan daiteke
Mugimendu sismikoak izan dira Andaluzian, denboralearen ondoren
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.