Manifestazio batek erantzukizun politikoak "garbitzea" eskatu du berriro Zallan
200 pertsona inguruk manifestazioa egin dute Zallan (Bizkaia), Zaldibar Argitu plataformak eta Euskal Herriko Eskubide Sozialen Kartak deituta, Zaldibarko zabortegian gertatutako luiziagatik erantzukizun politikoak "garbitzea" eskatzeko.
Manifestazioa Zallako udaletxetik abiatu eta Euskadi plazan bukatu da. Era berean, Joaquin Beltran langilearen familiari elkartasuna eta babesa adierazteko baliatu dute protesta. Zallako behargina harrapatu eta lurperatu zuen 2020ko otsailean, zabortegian, gertatutako luiziak.
Manifestazioa bukatu eta adierazpenak irakurri dituzte deitzaileek. Erantzukizun politikoak garbitzea eskatu eta Eusko Jaurlaritzaren jokabidea kritikatu dute.
Zaldibar Argitu plataformaren hitzetan, "Zaldibarko zabortegiaren hondamendia ez zen gertatu behar", eta "saihestea posible zen". "Ez dute inongo gogoeta, erabaki edo norabide aldaketarik egin zaborren kudeaketan", kritikatu duenez.
"Zaldibarren gertatutakoa berriz ez errepikatzeko pauso argiak eta erabakiak behar dituzte herritarrek. Gure arduradun politikoek bestaldera begiratzen eta arduragabe jokatzen jarraitzea ez dugu onartzen", azaldu dute.
Gainera, "Zaldibarren gertatutakoa, ingurumenari, langileei eta gizakiei egindako kalte guztiarekin, ezin da erantzukizunak garbitu gabe geratu", eta "lokatz guztia ezin da alfonbra azpian ezkutatu", azpimarratu dutenez.
Zallako (Bizkaia) manifestazioaren burua. Argazkia: EFE
"Norabide horretan erabakirik hartu behar ez izateko, bilaketa lanen atzean ezkutatu zen Eusko Jaurlaritza"; ondorioz, "orain bilatzeari uzteko erabakia hartu ondoren, gertatutakoaren ondorioak onartzeko eta erantzukizunak garbitzeko une egokia da, beharrezkoak diren kargugabetzeekin", erantsi dute.
Euskal Herriko Giza Eskubideen Kartak adierazi duenez, erantzukizun politikoak garbitzea eta "azkenera arte iristea ezinbestekoa" da, "gertatutakoaren inguruko egia jakitera emateko, justizia egiteko eta berriz ez errepikatzeko bermeak" izateko.
Eusko Jaurlaritzak luizia gertatu zenetik gaurdaino izan duen "jarrera" salatu dute, "aurpegirik eman ez duelako, erantzukizunak saihestuz eta Verter Recycling enpresa arduradun bakar bezala aurkeztuz". Exekutiboak gertatutakoan "erantzukizun zuzena" du "kontrol faltagatik", gogorarazi dutenez.
Eusko Jaurlaritzak Zaldibarren gertatutakoan "erantzukizun politiko zuzena" du, zaborrak kudeatzeko ereduaren "ondorio zuzena" delako. Pribatizazioa, azpikontratazioaren prekarietatea eta kontrol publiko falta zerrendatu dituzte.
Horregatik, "justizia egiteko eta gertatutako berriro ez errepikatzeko" lanean jarraituko dutela ziurtatu du Kartak. Zaldibar Argiturekin batera, erantzukizun politikoak garbitzea eta langileen osasuna bermatzen duen eta ekologikoki jasangarria den zaborren kudeaketa eredu bat aldarrikatzen jarraituko dute.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.