"Ez dugu lorerik eramango zabortegira, Joaquin gugan dago"
Joaquin Beltranek azken agurra jaso du gaur Zallan (Bizkaia) egindako hileta-elizkizunean eta ekitaldi batean. Jende andana elkartu da, eta familiak adierazpen bat irakurri du, eskerrak emateko eta zabortegira ez dutela lorerik eramango nabarmentzeko.
Eusko Jaurlaritzak amaitutzat eman zituen aurreko astean Joaquin Beltran Zaldibarko zabortegian bilatzeko lanak. Hondakindegia duela 15 hilabete amildu zen, azpian bi langile harrapatuta (Beltran bera eta Alberto Sololuze —haren gorpua abuztuan topatu zuten—).
Hileta-elizkizunaren ostean, eta bost minutuko isilunea egin eta 'Txoria txori' abestia entzun ondoren, Joaquin Beltranen koinatak, Marta Alvarezek, adierazpen bat irakurri du familiaren izenean, senidea oroitzeko eta 15 hilabeteotan jasotako babesa eskertzeko.
469 eguneko itxaronaldiaren ondoren, jada ez daudela haren zain azpimarratu du: "Baina ez dugu lorerik eramango zabortegira. Uko egiten diogu horri. Beti esan izan dugu. Gainera, ez du zentzurik. Ez dago horren beharrizanik. Joaquin ez dago hor. Jada ez. Zaldibarren gauza asko geratu dira lurpean, baina Joaquin ez".
Beltranen familiak aipamen berezia egin dio Alberto Sololuzeren familiari eta bilaketa lanetan aritu diren behargin guztiei.
Manifestazioa larunbatean
Bestalde, Zaldibar Argitu plataformak eta Euskal Herriko Eskubide Sozialen Kartak manifestazioa deitu dute Zallan bertan zabortegiko ezbeharraren ardura politikoak "muturreraino" argi daitezela eskatzeko.
Prentsaurrekoan, erakundeek azpimarratu dute Iñaki Arriola sailburuak eta Iñigo Urkullu lehendakariak ardurak dituztela zabortegiaren kontrolik ezagatik.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.