Janssenen txertoa emango zaie 40 eta 49 urte bitarteko lagunei ere
Janssenen txertoa 40 eta 49 urteko pertsonei ere ematea erabaki du astearte arratsaldean Espainiako Osasun Publikorako Batzordeak. Pfizerrena edo Modernarena ere jasoko dute.
Orain arte, dosi bakarreko txertoa 50 urtetik gorakoei eta kolektibo zaurgarrietako pertsonei zuzenduta zegoen.
Osasun Ministerioak eta erkidegoek arratsaldean egin dute bilera. 50 urtetik gorakoen txertaketa amaitu ostean hasiko dira 40 eta 49 urte bitartekoei hitzorduak ematen. Janssenen txertoaz gain, Modernaren eta Pfizerren dosiak ere erabiliko dituzte kanpaina horretan.
Horrez gain, dosi bakarreko txertoa dela kontuan hartuta, duela hainbat aste erabaki zuten Janssenen dosiak kolektibo zaurgarrietako pertsonei ematea, tartean etxerik gabeko pertsonei, sasoikako langileei, migratzaileei, menpekotasun handia dutenei, alturako arrantzaleei edo arrisku handiko herrialdeetara joaten diren borondatezko langileei.
AstraZenecarenak ez bezala, txerto honek ez du mugarik adinari dagokionez, baina plaketa maila baxua dutenei ez jartzea gomendatzen dute.
Osasun Ministerioak gaur jakinarazi duenez, orain arte Janssenen 938.825 dosi banatu dituzte Estatuan, eta horietatik 464.116 jarri dira.
Ekainean 5,5 milioi dosi bidaliko dituzte, aurreikuspenen arabera. Alabaina, Osasun Ministerioko iturriek joan den astean zabaldu zuten Ameriketako Estatu Batuetako Elikagaien eta Sendagaien Administrazioa enpresa-farmazeutikoaren fabrika nagusia ikuskatzen ari dela eta dosien bidalketa blokeatuta dagoela.
BIDEOA | Intzidentzia txikia duten erkidegoetan, gaueko aisialdia zabaltzeko proposamena
Albiste gehiago gizartea
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.