Musukoaren erabilera uztailean malgutuko dutela aurreikusten du Nafarroako Gobernuak
Pandemiaren bilakaerak beherako joerari eusten badio eta txertaketa kanpainan geldialdirik ez bada, Nafarroan uztailean arinduko dute musukoaren erabilera eremu irekietan eta abuztuan lortuko dute talde immunitatea. Hala aurreikusi dute Maria Chivite presidenteak eta Santos Indurain Osasun kontseilariak.
Bi agintariak Nafarroako Ospitalean izan dira goizean, covid-19aren ondorioz hil diren lagunen omenez egindako 'Memoriaren Lorategi'ra egindako bisitan.
"Pandemiaren bilakaerak orain arteko joerari eusten badio eta txertaketa prozesuak orain arteko azkartasunarekin jarraitzen badu, nik uste dut musukoen erabilera uztailean malgutzea posible izango dela", adierazi du Chivitek.
Edonola ere, ohartarazi du erabaki hori erkidego guztien artean adostu beharra dagoela. "Nik uste dut uztaileko data egokia dela, baina erabakia Lurraldeen arteko Osasun Kontseiluaren esku egongo da", erantsi du.
Bestalde, Indurainek gogora ekarri du eremu irekietan maskararen erabilera malgutzeko aukera uztailaren 15eko aginduan jasota dagoela. Hala, segurtasun tartea bermatzen den tokietan –mendian, esaterako- musukoa ez erabiltzeko aukera aurreikusten du.
Talde immunitateari dagokionez, Osasun kontseilariak ziurtatu du txertaketa-kanpaina "azkar" doala eta herritarren % 35,5ek hartu dutela pauta osoa eta % 58,2k lehen dosia.
Horrenbestez, eta dosien hornikuntzan arazorik ematen ez bada, talde immunitatea -biztanleriaren % 70-80 txertatuta egotea- abuztuan lortuko litzatekeela aurreikusten dutela gaineratu du.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.