Nafarroak atzera egin eta dantzalekuen itxiera ordua aurreratu du
Nafarroako Gobernuak dantzalekuen eta tabernen itxiera aurreratzeko foru agindua onartu du, azken egunotan covid-19 kasuek gora egin ostean. Horrela, uztailaren 7tik aurrera, tabernak eta dantzalekuak 01:00etan itxi beharko dituzte.
Santos Indurain Osasun sailburuak larrialdiko pandemiaren jarraipen batzordearen ostean egin du iragarpena, eta prentsaurrekoan Jose Maria Aierdi eta Javier Remirez Nafarroako Gobernuko presidenteordeak izan ditu alboan.
Nafarroan 700dik gora dira jada Salouko ikas bidaiarekin lotutako positiboak, eta kezka handia ari da eragiten Nafarroan, are gehiago interakzio handiagoa aurreikusten zen garai honetan; izan ere, egunotan San Fermin jaiak ospatuko ziren.
Osasun kontseilariaren arabera, Nafarroa bizitzen ari den une "zail eta larriaren" aurrean, Gobernuak bertan behera utziko du gutxienez 15 egunez uztailaren 2tik indarrean dagoen azken foru aginduaren baitan, establezimendu batzuen gehieneko jarduera-ordutegiari dagokion neurria.
Zehazki, arau berriak 01:00etan ezartzen du irekitzeko gehieneko ordutegia taberna berezietan eta kafe ikuskizunaren lizentzia duten establezimenduetan, diskoteketan eta dantzalekuetan.
Foru agindu berria uztailaren 7an sartuko litzateke indarrean, 00:00etan, Foru Komunitate osoan, eta uztailaren 20ra arte luzatuko litzateke.
Kasuen gorakada
Azken orduetan 507 kasu atzeman dituzte Nafarroan, azken asteetako kopururik altuena nabarmen.
Osasun sailburuak aitortu duenez, Nafarroako Gobernuak "kezka handia" du, batez ere ez dakitelako igoera horrek zer nolako eragina izango duen, are gehiago interakzio handiagoa aurreikusten zen garaian.
Hori dela eta, zuhurtziaz jokatzeko deia egin du, uztailaren 6an sanferminetako bazkari tradizionalak egiteko aukerari buruz galdetuta.
Javier Remirez Nafarroako Gobernuko presidenteordeak, bere aldetik, Salouko makrobotrea ez dela edozein egoeratan gertatu azpimarratu du, baizik eta gaueko aisialdiarekin lotuta dagoela, barne espazioetan, neurriak lasaitu diren lekuetan".
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.