Osasun txartela izan edo ez, txertatzeko deia egin die Nafarroak biztanle guztiei
Nafarroako Gobernuak pertsona migratzaileei dei egin die covid-19aren aurkako txertoa jartzeko txanda eska dezaten, erregularizatuta egon ala ez, osasun-txartela izan ala ez, "ezin baitugu utzi egoera administratiboak osasuna den giza eskubide batean eragina izan dezan, ez eta gizartearen osasun publikoan ere".
Hala azpimarratu du Eduardo Santos Migrazio Politika eta Justizia sailburuak,kanpaina berriaren aurkezpenean; parte hartu dute migratzaileen kolektiboetako kideek ere, euren hizkuntzetan txertaketaren aldeko mezuak igorriz.
Txertatu nahi duten pertsonei, beraz, Osasun Txartel Indibiduala (OTI) izan ala ez, gertuenen duten osasun-zentrora joateko dei egin diete txanda eska dezaten: "Ez dago erregularizatuta egon beharrik, hori ez da arazo txertoa jaso ahal izateko", esan du Santosek, horixe baita, bere esanetan, "horixe baita kanpainaren gakoa", osasun sisteman ez egoteagatik adinez hala zegokionean deitu ez zaien pertsonengana iristea hain zuzen.
Kanpainaren bidez, txertoa jasotzeko eman beharreko pausoak zehazten dira, eta atzerriko 8 hizkuntzatara itzulitako karteletan jasotzen da: arabiera, bulgariera, txinera, frantsesa, ingelesa, portugesa, errumaniera eta errusiera.
Gobernuaren konpromisoa berretsi du sailburuak, Nafarroan txertaketa pertsona guztiengana iristea, alegia, "osasun arloan duten egoera administratiboa edozein dela ere", eta azpimarratu du txertaketa kanpaina hori modu espezifikoan eta hainbat hizkuntzatan jakinaraztea bere departamentuaren helburuari erantzuten diola: "informazioa ez eskuratzea ez dadila izan inorentzat zailtasun gehigarri bat".
Atzerrian jaiotako herritarrentzat berariaz sortutako kartelek, pertsona horiek kontuan hatu eta lokalizatzeko moduan egoteko eman beharreko pausoen berri ematen dute, hala, dagokionean Nafarroako Txertaketa Estrategiaren barruan txertatuak izan daitezen.
Behin datuak eguneratuta eta osasun-txartela eskuratuta, hiru telefono zenbakitara deitu ahal izango da (bat Iruñea ingururako, bestea Lizarra ingururako eta hirugarrena Tutera ingururako). Telefono bidezko arreta-zerbitzu hori hori hainbat hizkuntzatan emango da, komunikazioa ahalik eta gehien errazteko. Telefono-zenbaki horien bidez izapidetuko dira txertaketarako hitzorduak.
Honakoak dira telefono zenbaki horiek: 948 370 130 Iruñeko eremurako; 948 370 135 Lizarrako eremurako; eta 948 370 140 Tuterako eremurako.
behin txertoa hartzeko txanda eskuratuta, esleitutako tokira joan behar dute herritarrek, Indarrean den identifikazio-agiriren bat aurkeztu beharko dute.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.