Urkulluk "musukoa, musukoa eta musukoa" eskatu die herritarrei olatu berriaren aurrean
Iñigo Urkullu lehendakariak "musukoa, musukoa eta musukoa" erabiltzeko eskatu die herritarrei, Euskadik bizi duen covid-19aren olatu berriaren aurrean. Horrela, elkarbizitza-gunetik kanpo egiten diren interakzio sozial guztietan maskararen "etengabeko erabilera prebentiboa" berreskuratzea eskatu du.
Lehendakaritzan egin ditu adierazpenok Urkulluk, eta bertan hartu ditu baita ere Gasteizko Nazioarteko Zuzenbideari eta Nazioarteko Harremanei buruzko ikastaroetako ikasle eta arduradunak.
Lehendakariak adierazi du bilera hori prebentzio- eta autobabes-neurri guztiei jarraituz egin dutela; izan ere, iazko martxotik, "bizitza covid-19ak baldintzatu du".
Bere hitzaldian, pandemiaren egungo egoera izan du hizpide, eta une honetan Euskadiri "kutsakorragoa den birusaren aldaera batetik eratorritako olatu epidemiko berri batek" eragiten diola ziurtatu du. "Ahultasuna eta indarra ditugu testuinguru honetan", gaineratu du.
Musukoaren erabilera eskasa
Azaldu duenez, Euskadin egun dugun punturik ahulena "maskararik gabeko interakzio sozialen gorakada" da, eta hori da, hain zuzen ere, "transmisioa errazten duen faktore nagusia".
Bestalde, elkarbizitza-gunetik kanpo egiten diren interakzio sozial guztietan "musukoaren etengabeko erabilera prebentiboa" berreskuratzea izango da EAEko sendotasunik handiena. "Hau da gaur nabarmendu nahi dudan deia: musukoa, musukoa eta musukoa", berretsi du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.