Nafarroako Gobernua covid-19ari aurre egiteko neurri berriak ezartzea aztertzen ari da
Nafarroako Osasun Departamentua udalekin eta pandemiak kaltetutako sektoreekin batera ari da lanean, covid-19aren aurkako neurri-sorta berri batean. Neurri horiek datorren asteazkenean, uztailaren 21ean, indarrean sartzea espero da.
Kasuen gorakadaren aurrean, "neurriak hartu behar" direla adierazi du Carlos Artundo Osasun zuzendari nagusiak. Izan ere, kasuen goranzko joera hori apurtzeko aukera "guztiak mahai gainean" daudela azpimarratu du.
Hasiera batean, neurri berriak indarrean sartu arte 21era arte itxarotea espero dutela esan du.
Artundoren arabera, osasun arloko profesionalak "oso kezkatuta eta oso nekatuta" daude, eta ez dituzte ulertzen kasuen hedapena errazten duten "jokabide jakin batzuk". Asteazken honetan, gainera, 600 kasutik gora atzeman dituzte Nafarroan.
"Ezin dugu kutsatutako pertsona kopuruan eta intzidentzian gora egiten jarraitu", ohartarazi du Artundok, eta pandemiaren bilakaeraren inguruan "oso zuhur" jokatu nahi izan du.
Zentzu horretan, delta aldaera "bolbora bezala transmititzen" dela ohartarazi du, eta dagoeneko kasuen % 87 aldaera horretakoak direla azaldu du.
Mugikortasunak eta interakzio sozialak gora egin dutela onartu du Artundok, baina Sanferminen balorazioa egiteko "itxaron" egin behar dela uste du. Nolanahi ere, baieztatu duenez, herritar eta ostalari gehienek "oso ondo" jokatu dute.
Zure interesekoa izan daiteke
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz gorabeheratsua Bilbo inguruko errepide nagusietan
Barakaldon istripua izan da, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestaldem lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".