Euskadin, Gerra Zibilean egindako 2.040 bonbardaketa baino gehiago dokumentatu ditu Eusko Jaurlaritzak
Gerra Zibilean Euskadin izandako bonbardaketak ikertzeko lana aurkeztu du gaur Beatriz Artolazabal Berdintasun, Justizia eta Gizarte Politiketako sailburuak. Xabier Irujo historialari eta Nevadako unibertsitateko Euskal Ikasketen Zentroko zuzendariak egin du lana, Gogora Institutuak bultzatuta; ikerketaren izenburua hauxe da: "Atlas de bombardeos en Euskadi (1936-1937)".
Irujoren ikerketa-lanak egiaren alde egindako ekarpena azpimarratu du Artolazabalek, eta, nabarmendu du Euskadin, guztira, 127 herri bonbardatu zirela, eta horietatik guztietatik Gernika ikur bilakatu dela.
Sailburuak azpimarratu duenez, atlas horretan jasotzen den bezala, eraso faxista gehienak "ez ziren taktikoak izan, ezta estrategikoak ere; herritarren artean beldurra eragitea eta atzeguardian morala haustea zuten helburu".
Aurkezpenean jakitera eman dutenez, eta lanak hala erakutsi duenez, guztira 1.441 pertsona hil ziren bonbardaketen ondorioz. Hala ere, Irujok azaldu du identifikatu gabeko biktimak askoz gehiago izan zirela. Halaber, bi datu nabarmendu ditu: emakumeen % 57,82 eta 14 urtetik beherakoen % 48,79 bonbardaketa baten ondorioz hil ziren gerra iraun artean.
1936ko uztailetik 1937ko uztailera bitartean Euskadin egindako 1.220 eraso jasotzen ditu ikerketa-lanak. Aldi horretan, Euskadiko 127 herri, Kantabriako 1 eta Nafarroako 4 bonbardatu zituzten. Azaldutakoaren arabera, bonbardaketa-operazio bat aireko unitate batek, edo batzuek, helburu bakar baten gainean egindako eraso multzo bati dagokio, gerra egun batean. Hori dela eta, operazio batean bonbardaketa bat edo gehiago egin ahal ziren. Hala, epe horretan, 2.042 bonbardaketa izan ziren, 1.870 matxinatu faxistek egindakoak eta 172 errepublikanoek egindakoak.
Lanaren hedapena errazteko, "Atlas de bombardeos en Euskadi (1936-1937)" argitalpenean zehazten diren puntuak geolokalizatu dituzte. Horrela, erabiltzaileak zuzenean ikus ditzake eraso bakoitzaren datu garrantzitsuenak eta atlasaren orrialdearen erreferentzia, informazioa zabaldu ahal izateko.
Euskadiko Memoria Historiko eta Demokratikoaren Legearen aurreproiektua
Halaber, Artolazabalek iragarri du Eusko Jaurlaritzaren Gobernu Kontseiluak uztailaren 27an onartuko duela Euskadiko Memoria Historiko eta Demokratikoaren Legearen Aurreproiektua, biktimen memoriaren "egia eta lehengoratze" printzipioetan oinarrituta.
Zure interesekoa izan daiteke
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".
Arratiako Koruak 75 urte bete ditu santa eskean
1951n sortu zen, Artea eta Areatzan zeuden abesbatza bana batu zirenean, eta ordutik ez du inoiz hutsik egin otsailaren 4an. Bizkaiko hainbat herritan abestu ondoren, hiriburuan aritzen dira kantuan, azken urteetan bezala, Caritas elkartearentzat dirua biltzen.
Mouliaak Errejonen aurkako salaketa erretiratu du "osasun arrazoiengatik", baina ez du akusazioetan atzera egin
Herri-akusazioak bere horretan jarraitzen du "biktimaren eskubideak" babesteko. Bestalde, diputatu ohiak aktorearen kontrako kereilarekin jarraituko du.
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Ama-alaben arteko harremanak hautsita zeuden aspalditik, eta emakumea bere lanbideaz baliatzen zen konfidentzialak diren datuak ikusteko, delitu dena. Altsasuko osasun zentroan administrari laguntzaile zela 1.300 aldiz baino gehiagotan sartu zen senitartekoen datu klinikoak ikustera.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.