Gehienezko edukiera % 40koa izango da futbol ligaren hasieran, eta % 30ekoa saskibaloikoan
Abuztuan, aire zabalean dauden estadioetako gehienezko edukiera % 40koa izango da; estadio itxietan, aldiz, % 30ekoa izango da gehienez. Hala adostu dute Lurraldearteko Osasun Batzordean, Espainiako Gobernuko Osasun Ministerioak eta autonomia-erkidegoek.
Euskadi abstenitu egin da bozketan; izan ere, Jaurlaritzak zehaztu duenez, eskumena autonomia-erkidegoek dute, kirol-ekitaldietako aforoei dagokienez. Gaur egun indarrean dagoen dekretuaren arabera, EAEn, 5.000 ikusletik gorako edukiera duten estadioetan, gehienezko aforoa % 20koa da; Nafarroan, aldiz, % 33koa da. Asteazken honetan Lurraldearteko Osasun Batzordeak adostutakoa baino murritzagoak dira biak, beraz.
Hainbat gutxieneko jasotzen dituen akordioa da Batzordean hitzartutakoa, eta abuztuaren 13tik izango da indarrean, hau da, futbol liga hasten denetik, hilaren 29ra arte. Une horretan, Espainiako Gobernua eta autonomia-erkidegoetako gobernuak berriro batzartuko dira, ehuneko horiek aldatu behar ote diren aztertzeko, Carolina Darias Osasun ministroak iragarri duenez. Murrizketa horiek orduan aztertuko dituzte berriro.
Horrez gain, kirol-ekitaldietako ikusleek ezingo dute ez jan ez edan (ura izango da salbuespena), ezta tabakorik edo eratorritako produkturik erre ere; ikusleak mailaka sartu beharko dira, une oro musukoa jantzita dutela, eta metro eta erdiko tartea zaindu beharko dute. Horrez gain, ez da sarrerarik salgai izango; hala, bazkideak edo abonatuak bakarrik sartu ahalko dira estadioetara.
Joan-etorriak kontrolatzea
Gehienezko edukiera horiek ezarrita, etxetik kanpo jokatzen duten taldeen zaleen joan-etorriak kontrolatu nahi dituzte autonomia-erkidegoek eta Espainiako Gobernuak, Darias ministroak bileraren osteko prentsaurrekoan aitortu duenez.
Hori dela eta, autonomia-erkidegoei eta futbol eta saskibaloi klubei eskatu zaie abonatuek eta tokiko publikoak lehentasuna izatea estadioetara joateko eta, horrela, beren taldea hiritik kanpo ikusi nahi duten zaleen mugikortasuna saihesteko.
Era berean, dekalogo horren derrigortasunari buruz, Dariasek esan du akordioa Lurraldearteko Batzordeko kide guztiek aho batez adostu dutela, eta, horrenbestez, bete egingo dutela.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.