Mediterraneoan erreskatatutako 800 migratzaileen egoera "jasanezina" salatu eta portu segurua eskatu dute
SOS Mediterranee eta Sea Watch gobernuz kanpoko erakundeek egindako salaketaren arabera, duela lau egun Mediterraneo itsasoan erreskatatutako 800 migratzaile baino gehiagoren egoera "jasanezina" da, eta, beraz, portu seguru bat eskatu dute berriro.
Azaldu dutenez, bizirik dirauten 553 pertsonak (119 adingabe, 4 emakume haurdun eta 3 hilabeteko haurtxo bat tartean) Ocean Viking itsasontzian dagoen bero itogarria jasaten ari dira, eta, beraz, horiek guztiak lehenbailehen lehorreratzeko portu seguru bat eskatu dute, baita Sea Watch 3 ontzian dauden 257 pertsonak lehorreratzeko ere.
Luisa Albera bilaketa eta erreskate lanetarako koordinatzailearen hitzetan, bizirik erreskatatu zituzten asko erabat akituta zeuden SOS Mediterranee erakundearen taldeek aurkitu zituztenean, eta ahul daude oraindik. "Askok min fisikoak, erregaiak eragindako erredurak eta zorabioak dituzte, eta batzuk zorabiatzen hasi dira beroaren ondorioz; bero horrekin, egoerak okerrera egin dezake egun batetik bestera".
Italiako Barne ministro Luciana Lamorgesek, bere aldetik, Europar Batasunari eskatu dio mekanismo bat martxan jartzeko, aldi baterako bada ere, gobernuz kanpoko erakundeen itsasontziek Mediterraneoan erreskatatutako migratzaileak portu seguru batera eraman ahal izateko. Era berean, horiek nahitaez banatzeko elkartasun printzipioa abiarazteko aldarrikatu du.
Gainera, egunotan 2.000 migratzaile baino gehiago iritsi dira Lampedusara, eta bertako harrera zentroa kolapsatuta dago, 200 pertsona hartzeko lekua baino ez dagoelako bertan.
Astelehenera arte bildutako datuak kontuan hartuta, 29.461 migratzaile iritsi dira Italiara, 2020an 14.406 eta 2019an 3.920.
Zure interesekoa izan daiteke
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.